Boruto: Naruto Next Generations

Boruto: Naruto Next Generations

ボルト (Boruto: Naruto Next Generations)
Creador	Mashashi Kishimoto
Xéneru	Sobrenatural, acción, ciencia ficción, artes marciales de Xapón y aventures

Otros
Títulu orixinal	ボルト (Boruto: Naruto Next Generations)
Illustráu por	Mikio Ikemoto
Guión	Masashi Kishimoto (cap.52) Ukyō Kodachi (cap.1-51)
Editorial	Weekly Shonen Jump
Espublizáu en	Weekly Shonen Jump
Episodios	[[293\|]]
Volúmenes	20
País de llanzamientu	Xapón
Llingua/es	Xaponés
Ficha de Ficha na Internet Movie Database (n'inglés) película
[editar datos en Wikidata]

Boruto: Naruto Next Generations (BORUTO-ボルト- NARUTO NEXT GENERATIONS, ''Boruto: Naruto Next Generations''^?) ye un manga xaponés ilustráu por Mikio Ikemoto y escritu hasta'l capítulu 51, Ukyo Kodachi. Anguaño la obra ye escrita por Masashi Kishimoto, creador de la franquicia Naruto. El manga espublizóse per primer vegada'l 9 de mayu de 2016 hasta xunu de 2019 na revista Weekly Shonen Jump. Anguaño ye publicada na revista V Jump. Amás del manga, tamién tuvo una adautación al anime baxo la direición del estudiu Pierrot..

La hestoria ta protagonizada por Boruto Uzumaki, fíu de Naruto Uzumaki ya Hinata Hyuga; Sarada Uchiha, fía de Sakura Haruno y Sasuke Uchiha; y Mitsuki, fíu artificial d'Orochimaru. Nesta hestoria apaecen munchos de los personaxes de Naruto Shippūden con fíos y trabayos profesionales, como la política o l'enseñu. El suañu de Boruto ye convertise nun gran shinobi (ninja) como Sasuke, mientres que'l de Sarada ye ser como Naruto, Hokage (xefe de l'aldea de Konoha, (n'asturianu, aldea oculta de la Fueya)).

Argumentu

Años dempués de la Cuarta Gran Guerra Shinobi, Naruto Uzumaki cumplió'l so suañu de convertise nel séptimu Hokage. L'héroe de Konoha contraxo matrimoniu con Hinata Hyuga, con quien tien dos fíos: Boruto ya Himawari. Boruto forma parte del equipu shinobi, lideráu por Konohamaru Sarutobi, y complementáu por Sarada Uchiha, la fía de Sasuke Uchiha y Sakura Haruno, y el fíu artificial de Orochimaru, Mitsuki.

Boruto considera que Naruto antepón los sos deberes na aldega sobre los deberes cola so familia. El pequeñu Uzumaki atopóse con Sasuke, quien tornó a l'aldega p'alvertir a Naruto sobre una amenaza. Falta pocu tiempu pa los examenes Chunin, polo que Boruto, pide a Sasuke que se convierta nel so mayestru, a lo que l'Uchiha respuende que sí, siempre y cuando pueda deprender el rasengan, a lo que lu respuende qu'esi nun ye nengún problema, pos lo deprenderá en pocu tiempu, y pa llogralo, solicita l'ayuda de Konohamaru.

El so enfotu por llograr un rangu mayor y sorprender al so padre, llévalu a facer trampa nel exame, utilizando un dispositivu llamáu "Kote", inventáu por Katasuke, quién forma parte del equipu científicu d'armes shinobi de Konoha. Esto enfadó a Naruto y xeneró un discutiniu ente padre y fíu, que se ve atayada cola apaición de Momoshiki y Kinshiki Ōtsutsuki, personaxes de los que Sasuke alvirtió a Naruto, los ataques tienen como oxetivu principal el secuestru de Naruto y asina poder usar el chakra de Kurama, pa revitalizar al Shinju agonizante de la dimensión d'onde vienen.

Viendo al so padre arriesgar la vida pa protexer a toos, un represu Boruto, convence a Sasuke y a los cinco Kages, de xunise a ellos na misión de rescate de Naruto. Asina, viaxen a otra dimensión pa salvar a Naruto; el combate paez inclinase a favor de los Kages y compañía, Momoshiki convierte a Kinshiki nuna fruta de chakra p'aumentar la so fuercia, pero nun resulta ser un rival perfuerte pal ataque conxuntu, al que se sumó tamién Naruto. Sicasí, pa mala fortuna de toos, Katasuke intervién y ataca a Momoshiki, faciendo usu de los jutsus (técniques) conteníos nel Kote. Mientres Sasuke distrái a Momoshiki, un Naruto debilitáu, empresta'l so chakra restante a Boruto y asina poder crear un Rasengan pergrande pa ganar a Momoshiki. Anque muerre, notando'l potencial ensin explotar del so asesín, Momoshiki vive'l tiempu abondu pa tener una conversación privada con Boruto. Esti alviérte-y que va tener momentos de muncha molición. Ensin saber lo que-y depara'l futuru, Boruto acepta'l so destín.

Ver tamién

Referencies