Beta Volantis

De Wikipedia
Saltar a navegación Saltar a la gueta
Beta Volantis
Beta Volantis
Constelación Volans
Ascensión reuta α 08h 25min 44,19s
Declinación δ -66º 08’ 12,8’’
Distancia 108 ± 2 años lluz
Magnitú visual +3,77
Magnitú absoluta +1,15
Lluminosidá 41 soles
Temperatura 4540 K
Radiu 13 soles
Tipu espectral K2III
Velocidá radial +27,4 km/s

Beta Volantis (β Vol / HD 71878 / HR 3347)[1] ye una estrella na constelación de Volans, el pexe volador. Ye la más brillosa de la so constelación con magnitú aparente +3,77, per delantre de γ Volantis. Alcuéntrase a 108 años lluz de distancia del Sistema Solar.

Beta Volantis ye una xigante naranxa de tipu espectral K2III[1] o K1III[2] con una temperatura superficial de 4540 K. La so lluminosidá ye 41 vegaes mayor que la del Sol y el so radiu ye 13 vegaes mayor qu'el radiu solar, carauterístiques bien asemeyaes a les de Wazn (β Columbae) o δ Muscae; ζ Volantis, nesta mesma constelación, ye una estrella asemeyada, anque daqué menos fría. Beta Volantis ta clasificada como una posible estrella variable, recibiendo la denominación SV ZI 707.

La observación de Beta Volantis col satélite de infrarroxos WIRE dexó envalorar la so masa, utilizando métodos astrosísmicos, en 1,62 mases solares; en principiu, la estimación de la masa d'estrelles xigantes ye más precisa con esta metodoloxía que cola emplegada tradicionalmente, basada na situación de la estrella nel diagrama de Hertzsprung-Russell.[3]

Referencies[editar | editar la fonte]