Beta Muscae

De Wikipedia
Saltar a navegación Saltar a la gueta
Beta Muscae
Beta Muscae A/B
Constelación Musca
Ascensión reuta α 12h 46min 16,80s
Declinación δ -68º 06’ 29,2’’
Distancia 341 ± 10 años lluz
Magnitú visual +2,91 (conxunta)
Magnitú absoluta -1,86 (conxunta)
Lluminosidá 2750 / 1200 soles
Temperatura 22.500 / 18.500 K
Masa 8 / 6 soles
Radiu 3,5 / 3,5 soles
Tipu espectral B2V / B3V
Velocidá radial +42 km/s

Beta Muscae (β Mus / HD 110879 / HR 4844)[1] ye una estrella de magnitú aparente +2,91, la segunda más brillosa na constelación de Musca tres α Muscae. Alcuéntrase a 341 años lluz de distancia del Sistema Solar.

Beta Muscae ye una binaria compuesta por dos estrelles blancu-azulaes de la secuencia principal. La componente principal, Beta Muscae A, tien tipu espectral B2V y ye una estrella caliente de 22.500 K de temperatura efectivo. La so lluminosidá ye 2750 vegaes superior a la del Sol y tien una masa de 8 mases solares. El so radiu ye 3,5 vegaes más grande qu'el del Sol y, como otres estrelles asemeyaes, rota a gran velocidá —la so velocidá de rotación proyeutada ye de 160 km/s—, emplegando menos d'un día en completar un xiru. Beta Muscae B, la estrella secundaria, tien tipu espectral B3V y una temperatura de 18.500 K. 1200 vegaes más lluminosa que'l Sol, tien una masa de 6 mases solares y ye del mesmu tamañu que la so compañera.[2]

Los parámetros orbitales del sistema nun son bien conocíos; el periodu orbital averáu ye de 194,3 años y la separación media ente les dos estrelles pue tar entendida ente 80 y 101 UA. La órbita ye notablemente escéntrica y el apoastru (máxima separación) tuvo llugar en 1954. El planu orbital tópase inclináu 37º respectu al planu del cielu.[2]

Beta Muscae pertenez a la asociación estelar de Centaurus-Crux. El so velocidá radial (47 km/s, tres veces mayor que'l valor habitual) suxure que pue ser una estrella fuxitiva.[2]

Referencies[editar | editar la fonte]