Barbara Erni

Barbara Erni
Vida
Nacimientu	Feldkirch, 15 de febreru de 1743
Muerte	Vaduz, 26 de febreru de 1785 (42 años)
Causa de la muerte	decapitamientu

Barbara Erni (15 de febreru de 1743, Feldkirch – 26 de febreru de 1785, Vaduz) foi una muyer de Liechtenstein conocida por robar en posaes per tola Europa occidental utilizando estafes. Conocida en Liechtenstein como Golden Boos, Erni foi la última persona en ser executada en Liechtenstein.

Erni nació en Feldkirch nel senu d'una pareya de persones ensin llar. En 1779 casó con un tirolés, Franz, un home con reputación de comportamientu criminal.

Según la lleenda, la Golden Boos yera una muyer de pelo rubio acoloratáu y gran fuerca que viaxaba pelos campos europeos con un gran arca de l'ayalga o mochila. Uquier que pasara la nueche, esixía que la so arca fuera zarrada na meyor y más segura habitación disponible, yá que, según ella, contenía una ayalga fabulosa. Una vegada que l'ayalga taba guardada y cayía la nueche, un home pequeñu salía de l'arca o mochila y recoyía los oxetos de valor de la meyor habitación, dempués de lo cual Erni y l'home fuxiríen mientres la nueche. El plan funcionó bien pa Erni por dellos años y fíxose rica. Desconozse la identidá del ayudante.

Erni y el so cómpliz fueron arrestaos n'Eschen y encarcelaos en Vaduz el 27 de mayu de 1784. Foi xulgada por Liechtenstein y almitió diecisiete robos utilizando estafes. El 7 d'avientu de 1784, el tribunal declaróla culpable de ser Golden Boos y condergóla a muerte por decapitamientu. Foi degollada en Vaduz ante una audiencia pública d'aprosimao 1.000 espectadores. Foi la última persona executada en Liechtenstein, país qu'abolió la pena de muerte en 1987. Desconozse la suerte que corrió l'ayudante.

Referencies[editar | editar la fonte]

Barbara Greene (1967). Liechtenstein: Valley of Peace (Vaduz: Liechtenstein-Verlag) páxs. 20–21.
James Foster Robinson, "The Legend of the Golden Boos", 21 May 2004.

Enllaces esternos[editar | editar la fonte]