Bandera d'Azerbaixán

De Wikipedia
Saltar a navegación Saltar a la gueta
Bandera d'Azerbaixán
Flag of Azerbaijan.svg
Datos
Entidá Azerbaixán
Fecha d'adopción

9  de payares de 1918

(101 años)
Proporción FIAV 111111.svg 2:1
Colores
     azul claru (#00b5e2)
     bermeyu (#ef3340)
     verde (#509e2f)
     blancu (#ffffff)
Diseñador Ali bey Huseynzade
Cambiar los datos en Wikidata

La bandera d'Azerbaixán (n'azerí: Azərbaycan bayrağı) ye una bandera horizontal tricollor compuesta por tres franxes, iguales n'anchor, de collor azul, colloráu y verde, con una media lluna blanca y una estrella d'ocho puntes nel centru. Esta bandera sustituyó a un diseñu anterior, el usáu pola República Socialista Soviética d'Azerbaixán. El azul de la bandera simboliza la herencia túrquica del país, el colloráu representa'l progresu, y el verde representa l'Islam, la relixón mayoritaria nel país. Esta bandera foi usada la primer vegada qu'el país foi independiente, dende'l 9 de payares de 1918 hasta 1929, y foi recuperada, con llixeros cambeos, el 5 de febreru de 1991, díi nel que la bandera tricolor (Üçrəngli Bayraq) convirtiose na oficial del país.

El diseñu de la bandera, que ye mencionada dos vegaes nel himnu nacional del país, aparez recoyíu na so constitución. Los sos usos son: en tierra, como bandera civil, d'estáu y de guerra; y na mar, como bandera civil, d'estáu y naval, amás de como bandera de proba. La bandera ye tamién oficial na República Autónoma de Najicheván, un esclave del país. Un decretu nacional del presidente Ilham Aliyev, de 17 de payares de 2009, declaró'l 9 de payares, díi nel qu'esta bandera foi adoptada como bandera nacional de la República Democrática d'Azerbaixán, como Día de la Bandera Nacional.

Banderes históriques[editar | editar la fonte]

L'actual bandera usose por primer vegada en 1918, cuando Azerbaixán algamó la independencia del Imperiu rusu, demientres la Revolución y la posterior guerra civil. Esta bandera, estremada de l'actual namái nel tamañu y la posición de la media lluna y la estrella, foi oficial hasta que, en 1920, Azerbaixán foi incorporada a la Xunión Soviética. De magar, adopta una bandera collorada cola inscripción ACCP, les sigles n'alfabetu cirílicu de la República Socialista Soviética d'Azerbaixán, na esquina superior izquierda, acompangaes d'una estrella de cinco puntes qu'encierra una foz y un martiellu. En 1937 queden soles la foz y el martiellu, y embaxu d'elles les sigles AzSSR, que correspuenden a les iniciales del nome de la república n'alfabetu llatín. En 1952, el 7 d'ochobre, camuda otra vuelta'l diseñu, desapaeciendo les iniciales y añediéndo-y una franxa azul nel estremu inferior pa estremala de la de la Xunión Soviética.