Banda Gaites Candás

Banda Gaites Candás
Datos
Tipu	Banda de gaites
Orixinarios de	Candás
Fecha fundación	1989
Tipu de gaites	Asturiana en Sib
Tipu de percusión	Alta tensión
	Web oficial

La Banda Gaites Candás (Carreño, Asturies) ye una asociación cultural dedicada al estudiu, contribución y difusión de la cultura tradicional asturiana creada en 1989^[1]. El so principal oxetivu ye ayudar a incrementar el nivel cultural no referente al patrimoniu musical, folclóricu y tradicional d'Asturies.

La Banda Gaites Candás cunta anguaño con más de 30 músicos (ente gaites y percusión), y más de 30 escolinos que tán deprendiendo na Escuela de Música Tradicional. El repertoriu de la BGC, ta formáu básicamente por temes asturianos magar que tamién inclúi temes bretones, gallegos...

Anguaño Velu Muñiz^[2] ye'l direutor musical, (antiguamente'l maestru gaiteru yera José Ángel Hevia), profesor de la Escuela de Música Tradicional de Candás y direutor tamién de la Banda de Gaites Castrillón. El maestru de percusión ye Nacho Narciandi.

Discografía[editar | editar la fonte]

La Banda Gaites Candás, nel festival internacional de bandes de gaites, Candás.

Conmemorando los sos 25 años d'historia, la Banda Gaites Candás presentó'l discu Güei en xunetu de 2014^[3], conxuntándose colos meyores músicos de la escena folk asturiana como Moi Suárez a la guitarra y el bouzouki, el baxu de Sergio Rodríguez, la flauta de Dani Álvarez, el bouzouki d'Elías García^[4] y el bodhran de Ruma Barbero. .

Premios[editar | editar la fonte]

Campeones d'Asturies nel III Campeonatu Nacional de Bandes de Gaites Asturianes^[2]
Campeones na 1ª Fase de la XIV Liga Gallega de Bandes de Gaites^[5] nel so 1er grau. Foi la primer banda asturiana en competir nel 1ᵉʳ grau de la Liga Gallega de Bandes de Gaites
Campeones nel 1ᵉʳ Grau del Campeonatu de Bandes de Gaites de la XXIV Edición del Festival del Gaiteru de Sotuelo (Pontevedra 2003).
Campeones na XXI Liga Galega de Bandas de Gaitas 2011 (Subcampeona nel añu 2012)^[6]
Premiu AMAS 2015 (Anuariu de la Musica d'Asturies) nel apartáu de gaita^[2]
Campeones del Trofeo Greatness de Cuerpos de Percusión na 47ª Edición del Festival Intercélticu de Lorient.

Actividaes y Festivales[editar | editar la fonte]

El 2 d'agostu de 1997, la banda entamó un llabor qu'entá s'espeya nel Festival de Bandes de Gaites "Villa de Candás" que tien llugar na villa, cuntando con formaciones de bandes de tol Arcu Atlánticu Celta.

Esti festival celébrase tolos años y ta declaráu d'Interes Turisticu Rexonal^[7] dende l'añu 2013.

La banda lleva percorrío dellos llugares del mundu; Italia, Bélxica, Bretaña^[8], Portugal, Irlanda^[9], Arxentina, Uruguái^[10] o Palestina^[11]^[12], La Plata, Buenos Aires, Rosario, Santa Fe y Paraná n'Arxentina, Montevideo n'Uruguái^[10]

Festival Intercélticu de Lorient^[13] (1995, 1998 ,2004, 2012 y 2017^[13]^[14])
Festival de la Danse Bretonne de Guingamp, 1994
International Music Festival of Coalisland (Irlanda del Norte, 1996 y 2000)
Festival Célticu Pentdragón (Trieste, 2001), I Suoni delle Dolomiti (Trentino, Italia, 2003)
Festival du Ménez Hom (Bretaña, 2002)
Festival des Bords de L'Aulne (Bretaña, 2002)^[15]
Festival dos Foles (Coímbra, Portugal)^[16]
Festival Internazionale di Castrovillari (Cosenza, Calabria, Italia)
Carhaix (Bretaña, 2005)
Pisco Folk (Fuerteventura, 2006)
Festival de Baqueira Beret (2005)
Bagadans (Bretaña, 2007)
Festival Interceltique de Kemper (Bretaña, 2007)
Festival de Bandas de Gaitas "Vila de Xinzo" (Galicia, 2016)

Tamién acompaña a Hevia nos sos conciertos^[17] (Andorra, Bélxica, TVE, Telecinco, Premios AMIGO,Eleición Miss Intercontinental, etc) amás tien participao la banda n'ocasiones o una representación d'ella n'otres, en grabaciones y conciertos d'Amistades Peligrosas, Cristina del Valle^[12], la Orquesta Sinfónica del Principáu d'Asturies, Gilles Servat, Llan de Cubel o Pipo Prendes, ente otros.

Referencies[editar | editar la fonte]

Enllaces esternos[editar | editar la fonte]

Sitiu web

[1] ttps://www.ayto-carreno.es/banda-gaites-candas

[campeones-2] 2,0 ^2,1 ^2,2 https://infocarreno.blogspot.com/2019/04/banda-gaites-candas-y-ayuntamiento.html

[3] ttps://www.lne.es/centro/2014/07/11/gueei-disco-plata-banda-gaites-19998561.html

[4] ttps://elmorriondos.blogspot.com/2014/07/presentacion-del-disco-de-la-banda.html

[5] ttps://www.lne.es/centro/2011/08/03/banda-gaitas-candas-gana-trofeo-21056194.html

[6] ttp://alcaldeangelriego.blogspot.com/2011/07/la-banda-gaites-candas-mejor-banda-de.html

[7] ttps://www.turismoasturias.es/descubre/fiestas-de-interes-turistico/festival-de-bandes-de-gaites-villa-de-candas-

[8] ttp://www.festivaldesfiletsbleus.bzh/artistes_2018.html

[9] ttp://www.oocities.org/bgcandas/photoscoal.htm

[uruguai-10] 10,0 ^10,1 https://www.lr21.com.uy/comunidad/281155-gaiteros-asturianos-en-montevideo

[11] ttp://bandagaitescandas.blogspot.com/2009/

[palestina-12] 12,0 ^12,1 https://www.lne.es/sociedad/2009/12/21/cristina-valle-banda-gaitas-candas-21423321.html

[lorient-13] 13,0 ^13,1 http://www.festivaldelorient.es/banda-gaites-de-candas/

[14] ttps://www.ouest-france.fr/bretagne/lorient-56100/festival-interceltique-tout-pour-profiter-de-la-grande-parade-5175199

[15] ttps://www.letelegramme.fr/ar/viewarticle1024.php?aaaammjj=20020817&article=4856186&type=ar

[16] ttp://musette.free.fr/festivals/pt04def2.htm

[17] ttps://www.lne.es/verano/2017/08/07/hevia-estrena-lorient-fusion-gaita-19253228.html

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]