Baños de Valdearados

Coordenaes: 41°46′11″N 3°33′22″W / 41.769722222222°N 3.5561111111111°O / 41.769722222222; -3.5561111111111
De Wikipedia
Baños de Valdearados
Alministración
País España
Autonomía Castiella y Lleón
Provincia provincia de Burgos
Tipu d'entidá conceyu d'España
Alcalde de Baños de Valdearados (es) Traducir Lorenzo Izcara Hernando
Nome oficial Baños de Valdearados (es)[1]
Códigu postal 09450
Xeografía
Coordenaes 41°46′11″N 3°33′22″W / 41.769722222222°N 3.5561111111111°O / 41.769722222222; -3.5561111111111
Baños de Valdearados alcuéntrase n'España
Baños de Valdearados
Baños de Valdearados
Baños de Valdearados (España)
Superficie 37 km²
Altitú 890 m
Llenda con Hontoria de Valdearados, Quemada, Aranda de Duero, Villanueva de Gumiel, Tubilla del Lago, Valdeande y Caleruega
Demografía
Población 318 hab. (2023)
- 192 homes (2019)

- 132 muyeres (2019)
Porcentaxe 0.09% de provincia de Burgos
0.01% de Castiella y Lleón
0% de España
Densidá 8,59 hab/km²
Más información
Estaya horaria UTC+01:00
banosdevaldearados.es
Cambiar los datos en Wikidata

Baños de Valdearados ye una llocalidá y un conceyu[2] asitiaos na provincia de Burgos, comunidá autónoma de Castiella y Lleón (España), contorna de La Ribera, partíu xudicial d'Aranda, conceyu del mesmu nome.

El conceyu[editar | editar la fonte]

El conceyu asitiáu a 16 km d'Aranda de Duero y a 80 km de Burgos ta formáu por un únicu nucleu de población. Cuenta con 407 habitantes (INE 2008).

La villa de Baños ta a 895 metros d'altitú. Tol términu municipal ta arredoláu de nidies cornises que lleven a pandoriales de 30 a 40 metros sobre la población. Los puntos más altos del términu municipal bazcuyen ente los 890 nel Redondal y los 925 nel Rincón y Lo Tieso. Riega'l conceyu'l ríu Bañuelos, afluente del Duero.

Baños llenda al sur colos conceyos de Quemada, Villanueva de Gumiel y Aranda de Duero; al oeste con Tubilla del Lago y Gumiel de Izán; al norte con Valdeande y Caleruega; y al este con Hontoria de Valdearados.

La población activa del conceyu dedícase sobremanera a trabayar en Aranda de Duero y al cultivu del viñedo y ceberes.

El nome de "Baños" paez faer referencia a la esistencia de "termes" na llocalidá. Asina na Villa romana afayáronse termes que la so agua provenía de la llamada "Fonte de la Salú". Sicasí otros autores conviden a pensar que'l topónimu deriva de la pallabra llatina "Vannos" que quier dicir tierres de baldío.

Evolución demográfica del conceyu ente 1991 y 2004
1991 1996 2001 2004
565 512 442 424

Historia[editar | editar la fonte]

Nel Censo de Vecinderos de la Corona de Castiella realizáu en 1591[3] denominábase Vaños, pertenecía al Partíu de los Arauces, incluyida na provincia de Burgos. El partíu cuntaba con 876 vecinos pecheros.

Villa, conocida entós como Arauzo de Valdearados y perteneciente a la Xurisdicción de Los Arauzos, de realengu, nel partíu d'Aranda de Duero,[4] con Alcalde Ordinariu.

En 1843 pertenecía al partíu d'Aranda y cuntaba con 364 habitantes.

Patrimoniu artísticu[editar | editar la fonte]

Tol so términu municipal ta apináu de buelgues de la hestoria, pero ensin dulda ésta dexó un rastru claru na Villa romana de Santa Cruz,[5][6] con mosaicos d'especial valor, afayada de manera casual nel mes de payares de 1972, a unos 300 m al sur antes d'entrar na villa viniendo pela carretera de Aranda.

Otros monumentos inclúin la Ilesia parroquial de La nuesa Señora de l'Asunción, d'estilu neoclásicu con portada d'influyencies renacentistes, del sieglu XVII, la Ermita del Santu Cristu del Consuelu, con fachada d'estilu góticu isabelín, la Ermita de San Roque del sieglu XVII y l'Ermita de Santa María Madalena del sieglu XVI.

Fiestes[editar | editar la fonte]

Personaxes pernomaos[editar | editar la fonte]

Ver tamién[editar | editar la fonte]

Referencies[editar | editar la fonte]

  1. Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
  2. Códigu INE-035
  3. Reseña publicación: Censu de la Corona de Castiella de 1591 [1]
  4. Unu de de los catorce partíos que formaben la Intendencia de Burgos mientres el periodu entendíu ente 1785 y 1833, tal como se recueye nel Censu de Floridablanca de 1787.
  5. Declaráu Zona Arqueolóxica (11/03/1994).
  6. Ente'l 27 y el 28 d'avientu de 2011 unos intrusos estrozaron y robaron parte del mosaicu romanu del dios Baco, del sieglu V.
  7. Boletín Oficial del Arzobispáu de Burgos [2].

Enllaces esternos[editar | editar la fonte]