Axura

De Uiquipedia
Saltar a: navegación, buscar
Axura

L'Axura, o'l Día d'Axura (treslliteración del árabe: Yawm ʾĀshūrā’) ye una festividá relixosa islámica, sobremanera celebrada nel ámbitu del xiísmu, que se celebra nel décimu día del mes de Muharram, el primeru del calendariu llunar islámicu.

Na conmemoración y observación d'Axura, los xiíes recuerden l'asesinatu del Imám Hussein, al que consideren sucesor lexítimu del profeta Mahoma, del que yera nietu. Hussein morrió al par de 72 siguidores nun combate de 10 díes nel añu 680.

Pa los musulmanes suníes Axura ye un día d'ayunu; conmemoren asina l'ayunu col que Moisés estimó la lliberación del pueblu d'Israel de manes de los exipcianos. Según tradiciones que s'atopen nes compilaciones d'al-Bujari y Muslim, el profeta Mahoma solía ayunar nesta fecha y encamentaba esti ayunu a los sos compañeros, incluyendo la posibilidá d'añedir al ayunu bien el día anterior o'l posterior al mesmu.

La máxima espresión de la conmemoración chiita ye en Karbala, llugar onde s'atopa'l mausoléu de Imám Hussein, que rexunta hasta dos millones de creyentes. Los devotos desfilen hasta'l santuariu d'Imán Hussein, blandiendo nes sos manos preseos de sacrificiu y faciéndose mancaes nel cuerpu hasta quedar dafechu ensangrecíos.