Audiollibru

De Wikipedia
Saltar a: navegación, buscar
Una cabina d'audiu pa grabación profesional. Nótese'l llibretu en gran tamañu pa la so comodidá de remanamientu.

Un audiollibru xeneralmente ye la grabación de los conteníos d'un llibru lleíos en voz alta. Un llibru faláu. Aprovechando les posibilidaes qu'ufierten les nueves teunoloxíes nel campu de la información y l'espardimientu de conteníos, aumentó'l so espardimientu.

Historia[editar | editar la fonte]

Grabación en casete del llibru n'inglés The Mauritius Command escritu por Patrick O'Brian y lleíu por Patrick Tull.
  1. Anque les grabaciones sonores non musicales son anteriores a l'apaición d'Internet y munches d'elles deben la so nacencia a los rellatos grabaos pa la radio o inclusive'l fonógrafu, foi la sociedá multimedia la que popularizó'l so usu.
  2. A lo llargo de la historia del llibru les innovaciones teunolóxiques dexaron ameyorar la calidá de caltenimientu de los testos y l'accesu a la información, ameyorando tamién la manexabilidá y el costu de producción. Pue asegurase que'l formatu códice (llibru) tien, inda, una llarga vida, tantu pa los que precisen d'una llectura secuencial como p'aquellos pa los que'l llibru significa non yá un oxetu fermosu, sinón tamién el soporte d'información: noveles, ensayos, biografíes, filosofía, historia, historietes illustraes o llibros d'arte.
  3. Les señales xestuales foron la primer forma d'espresar y tresmitir mensaxes. La palabra falada ye la manera más antigua de cuntar histories. Per aciu de fórmules de valor mnemotécnicu estructurábense narraciones, que pasaben de xeneración en xeneración como heriedu cultural pervaloratible de los más estremaos grupos humanos. Este regles mnemotécniques ayudaben tanto a la memorización como al espardimientu de los rellatos. Ye'l casu de los poemes homéricos, que merecieron estudios valoratibles sobre'l particular. Posiblemente, gran parte de les tradiciones y lleendes tuvieron un entamu asemeyáu. Esta tresmisión oral tenía l'inconveniente de los «ruíos» que deformaben el mensaxe. La mayoría de les vegaes yera'l narrador (rapsoda, aeda, xuglar) el qu'en función de los sos intereses la deformaba d'una o otra forma.
  4. A finales de 1971 empezó a desenvolvese lo que güei se denoma llibru dixital o electrónicu. Michael Hart foi l'impulsor del Proyectu Gutemberg, que consistía na creación d'una biblioteca dixital totalmente gratis, onde podíen atopase obres d'autores como Shakespeare, Poe y Dante ente otros, toes elles de dominiu públicu.

L'escritor colombianu David Sánchez Juliao grabó en 1975 una serie de cuentos, que con premios tales como'l Discu d'Oru y el Discu de Platín popularizaron el formatu.

En 1981 produzse una importante meyora, yá que sale a la venta'l primer llibru electrónicu, el Random House's Electronic Dictionary. Sicasí, foi en marzu de 2001 cuando'l llibru dixital, tamién conocíu como eBook, esperimentó la so máxima espansión gracies al novelista Stephen King, que llanzó al mercáu al traviés de la rede la so novela Riding the Bullet. La obra, n'apenes 48 hores, vendió más de mediu millón de copies, al preciu de dos dólares y mediu la copia.[1] Al mes siguiente Putin tamién publicó les sos memories al traviés d'Internet.

Nel trescursu de la precampaña electoral a la presidencia d'Estaos Xuníos de 2008, la campaña de Barack Obama espublizó gratuitamente n'Internet un audiollibru col mensaxe del so candidatu, "The Audacity of Hope", escritu y contáu pol mesmu Obama, lo qu'ayudó a la popularización tanto del mensaxe como del formatu.[2]

Cola apaición del estándar Daisy foi posible ameyorar l'accesu a los audiolibros dexando restolar pelos distintos capítulos o seiciones de los mesmos, les sos páxines y hasta frases o párrafos. Pa ello namái ye necesario disponer d'un reproductor compatible, como DAISYPlayer.

Autores[editar | editar la fonte]

Dellos escritores relevantes que publicaron en dalguna ocasión conteníu en formatu audiollibru (voz propia):

Carauterístiques[editar | editar la fonte]

L'audiollibru ye un mediu de comunicación útil cuando la llectura directa nun ye posible. Dexa caltener materiales que d'otra manera podríen deteriorase y perdese. Dexa llevar a cabu otres actividaes mientres los executa: conducir, caminar, tomar el sol, cocinar, etc. Ye bono de descargar, d'executar y económicu. Fomenta la llectura y promociona el conteníu más que'l formatu escritu.

Un audiollibru pue ufiertar los conteníos más variaos: pue ser un cuentu, una conferencia, un cursu, un artículu, un ensayu, un diálogu, una entrevista, un programa de radiu, un rellatu más o menos llargu realizáu por una emisora de radio... Por cuenta d'una lóxica llende de tiempu, los audiollibros que tienen testu que provién d'una obra previa de gran estensión suelen ser versiones amenorgaes.

La voz pue ser xenerada por ordenadores o pue ser una llectura humana, munches vegaes llevada a cabu por actores. Un audiollibru comercial va cuntar davezu con narradores profesionales qu'interpreten y dramaticen los testos. Delles empreses editores d'audiollibros dan a escoyer ente voz femenina o masculina, qué variedá d'español o inglés se prefier, el tonu, el timbre y la cadencia de los llocutores.

Tribes d'audiollibros[editar | editar la fonte]

Dellos criterios pa clasificar los audiollibros:

Por encontu[editar | editar la fonte]

Por triba de soníu[editar | editar la fonte]

  • Audiollibros con voz real o humana: son aquellos que son narraos por una persona.
  • Audiollibros dramatizaos: son aquellos que son narraos por distintos narradores. Tamién destaquen por añedir efectos de soníu. Dellos audiollibros tienen versiones dramatizaes dafechu del llibru impresu, dacuando con un grupu d'actores, música, y efectos de soníu. Son emplegaos por casu, en cuentos pa neños.
  • Audiollibros con voz electrónica: son aquellos que son narraos por un programa d'ordenador.

Pol tratamientu de la obra[editar | editar la fonte]

Según el relatu puen ser:

  • Abridged o embrivíos, que resumieron la hestoria.
  • Unabridged o íntegros, son llectures del testu del llibru integru, verbu a verbu.

Distribución[editar | editar la fonte]

Normalmente los audiolibros distribúinse en formatu dixital al traviés d'Internet o como CD, DVD o hasta cintes de casete.

Anguaño la ufierta d'audiollibros disponibles n'asturianu ye nula, y en castellán escasa, al contrario que n'inglés, francés o l'alemán. El Serviciu Bibliográficu de la Organización Nacional de Ciegos Españoles cunta con un catálogu más estensu d'obres en castellán, pero namái ta disponible pa los afiliaos al ONCE.

Escluyendo les producciones feches por persones privaes, los audiollibros más conocíos yeren grabaciones de programes de radio, sicasí nos últimos años surdieron delles editoriales d'audiollibros n'España, América Llatina y Estaos Xuníos que tán publicando n'audiollibru títulos reconocíos como ''Cincuenta sombras de Grey'', ''Los 7 hábitos de la gente altamente efectivos'', ''El poder del ahora'', y cientos de títulos más. Tamién esisten delles comunidaes de voluntarios que, ensin ánimu d'arriquecimientu, publicaron n'Internet audiollibros.

Usu[editar | editar la fonte]

Pa escuchar un audiollibru fai falta un reproductor d'audiollibros. Dependiendo de la mena de soporte, esti va ser un reproductor de casetes, cedés, deuvedés o una aplicación software compatible. Anguaño envalórase que más de 190 dispositivos portátiles ufierten compatibilidá colos formatos más comunes, incluyendo Apple iPod, Pocket PC o Palm VOS.

El destín d'esta triba de comunicación pue ser:

  • Tou aquel qu'esfruta al escuchar.
  • Persones ocupaes, con falta de tiempu pa lleer.
  • Persones con dificultaes na visión o incapacitaes pa entender signos como nel casu de los disléxicos.
  • Persones que nun tán inda alfabetizaes, como un pasu p'aumentar la capacidá d'atención y la concentración.
  • Persones estudiantes d'idiomes como l'español o l'inglés, a les que-yos convenga escuchar testos lleíos nesos idiomes como exercitación.
  • Neños y mozos, bien familiarizaos colos medios audiovisuales y que precisen un mayor estímulu pa prestar atención.
  • Persones que pasen enforma tiempu viaxando, tanto si conducen el vehículu como si son llevaos, al prauticar ciertos deportes o al realizar trabayos repetitivos.
  • Avérennos d'una manera más vívida y personal la información de los llibros, facilitando asina la so alcordanza.
  • Persones ensin vezu de llectura.

Software específicu[editar | editar la fonte]

Anque un audiollibru va ser xeneralmente compatible con cualesquier reproductor de música común, esisten aplicaciones software qu'añedieron soporte específicu pa esti tipu de conteníu, como:

  • Daisy Player (compatible col estándar Daisy)
  • iTunes
  • TPB Reader
  • Banshee (GNU/Linux)
  • Rhytmbox (GNU/Linux)

Producción[editar | editar la fonte]

Delles persones xeneren los sos propios audiollibros a partir de llibros electrónicos grabando la voz xenerada por un ordenador. Una aplicación que dexa realizar esta xera ye LectoText, comercializada pol Centru d'Investigación, Desenvolvimientu y Aplicación Tiflotécnica.

Ver tamién[editar | editar la fonte]

  • Podcasting

Referencies[editar | editar la fonte]

Enllaces esternos[editar | editar la fonte]