Vladimir Putin
Vladimir Vladimirovich Putin (*7 d'ochobre de 1952, San Petersburgu, nome en rusu: Владимир Владимирович Путин) ye un políticu rusu y l'actual presidente de Rusia.
Tres rematar d'un mou bien brillante los sos estudios de derechu na universidá entró nel KGB. Trabayó na seición encargada d'asuntos esteriores y vivió n'Alemaña Oriental dende 1985 hasta 1990.
Tres el cambéu democráticu nos países comunistes dexó la KGB y foi nomáu axuntu del reutor de la universidá de San Petersburgu. Darréu fixóse nél l'alcalde de Moscú, que lu fai axuntu nel conceyu moscovín. N'agostu de 1996 yá ye axuntu del direutor d'asuntos esteriores del presidente Yeltsin.
En 1998 ye nomáu direutor del Serviciu Federal de Seguranza (FSB), y en 1999 primer ministru de Yeltsin, que lu fai el so socesor. Tres l'arrenunciu de Yeltsin a la presidencia rusa tórnase en presidente interín. Nes eleiciones adelantaes de 2000 el pueblu rusu da-y el so enfotu con un marxe ampliu (53% de los votos).
Entamó dos guerres na república rusa de Chechenia respondiendo asina a los selvaxes atentaos terroristes chechenos qu'asolaron Moscú a finales de los años 90 y nel entamu d'esta década. Magar que los sos métodos llenden munches vegaes colo antidemocrático y el refugu de los derechos humanos, el so índiz de popularidá ye entovía mui altu.
