Astérix gladiador

De Wikipedia
Saltar a: navegación, buscar
Astérix gladiador
Astérix gladiateur
Publicación
Formatu Álbum d'historietes
Primer edición En revista:
22/03/1962-10/01/1963
en Pilote nº 126 a 168.
N'álbum: 1964
Editorial Hachette Livre
Nº páxines 48, a color
ISBN 978-2-01210-136-4
Conteníu
Tradición Franco-belxicana
Xéneru Cómicu
Personaxes principales Llista completa
Direición artística
Guionista(es) René Goscinny
Dibuxante(s) Albert Uderzo
Serie
Coleición Astérix el Galu
Númberu 4
Numberación 37
Volume anterior Astérix y los godos
Volume siguiente La vuelta pela Galia d'Astérix
Sitiu web
[editar datos en Wikidata]

Astérix gladiador (Astérix gladiateur nel orixinal francés) ye l'álbum cuartu de la serie d'historietes Astérix creaes por Albert Uderzo (dibuxu) y René Goscinny (guión). Tuvo una tirada inicial de 60.000 exemplares. Foi adapatáu en dibuxos animaos en 1985, combinando argumentu d'Astérix gladiador y Astérix llexonariu nuna película col títulu Astérix y la sorpresa del César. La versión n'asturianu asoleyó en payares de 2016, cola traducción de María Xosé Rodríguez López, de manes de la Editorial Salvat.

Argumentu[editar | editar la fonte]

El Prefeutu de la Galia, Calígula Fulerus va a l'aldea gala a visitar al so amigu'l centurión Gracus Fociconus porque va de vacaciones a Roma y quier lleva-y de regalu a Xulio César ún de los invencibles galos de l'aldea yá famosa nel mundu romanu.

Gracus Fociconus unvia a los sos homes pa que rapten al bardu Asurancetúrix, actu que ye observáu pol neñu Risondérix, que-yos lo cunta a Astérix y Obélix, y estos informen al xefe de l'aldea, Abraracúrcix. Los galos van al campamentu romanu de Petibónum a rescatar al bardu, pero ellí entérense de que'l bardu foi unviáu a Roma como agasayu a César. Deciden unviar a Astérix y a Obélix al so rescate.

Los amigos deciden faer el viaxe per mar. Embárquense nuna galera fenicia, de Tiro, que mientres la trevesía ye atacada por pirates a los que los dos galos vencen, ganándose l'agradecimientu de los fenicios. En Roma atópense con Bocácix, un galu dueñu d'un restaurante que los informa de que'l bardu ta enzarráu nel Circu pa ser tiráu a los lleones nos díes vinientes. Na posada entérense del llugar precisu nel que s'atopa enzarráu'l bardu, na mazmorra nº XVIII del primer soterrañu.

A Xulio César nun-y impresionó l'agasayu del bardu, polo que fai venir a Cayus Obtusus, el preparador de gladiadores, pa que lo tire a los lleones nos xuegos vinientes.

Nos baños coincide Cayus Obtusus colos dos galos. Esti, que siempre anda buscando gladiadores, fíxase nellos, pero la suerte fai qu'estos se presenten voluntariamente pa participar como gladiadores. Cayus Obtusus aceuta y apúrrelos a Frañagüesus pa que los entrene.

Nel Circu los galos ganen a una cohorte, ganen una carrera de carros y énte la solicitú del públicu son perdonaos por César. Tornen col bardu por buque a la so aldea.

Personaxes[editar | editar la fonte]

  • Astérix – Guerreru galu, héroe d'estes aventures.
  • Idéfix – Perrín blancu d'Obélix.
  • Obélix – Repartidor de menhires. Íntimu amigu d'Astérix.
  • Panorámix – Druida de l'aldea. Fabrica'l fervíu máxicu.
  • Asurancetúrix - Bardu de l'aldea.
  • Ordealfabétix - Galu pescador dueñu de la tienda de pexes de l'aldea.
  • Risondérix - Neñu cazador de xabatos.
  • Abraracúrcix - Xefe de l'aldea.
  • Bocácix - Galu dueñu d'un restaurante en Roma
  • Calígula Fulerus - Prefeutu de la Galia.
  • Gracus Fociconus - Centurión de Petibónum.
  • Xulio César - Emperador romanu.
  • Cayus Obtusus - Preparador de gladiadores pal Circu romanu.
  • Frañagüesus - Encargáu de los gladiadores.

Pa tener en cuenta[editar | editar la fonte]

  • El fervíu máxicu dobla la fuercia de los que la beben, pero namái dura unos 15 minutos.
  • L'orixe del fervíu máxicu piérdese na nueche de los tiempos. Tresmítese de boca de druida a oyíu de druida.
  • Obélix, de pequeñu, cayó dientro de la marmita na que preparaben el fervíu máxicu, por eso agora nun pue bebela pues sedría peligroso, pero tien una fuercia permanente escomanada.
  • Obélix tien obsesión por comer xabariles.
  • Obélix, amás de ser repartidor de menhires, ye tallista.
  • Astérix ye cazador de xabariles.
  • Panorámix siempre ta engoláu nun carbayu.
  • Pa que l'arfueyu tenga poderes máxicos ha ser cortáu con una foceta d'oru.
  • Obélix nos combates escontra los romanos siempre xunta los cascos de los guerreros qu'ablaya pa ver quién gana.

Detalles d'esti álbum[editar | editar la fonte]

  • Nesta aventura los galos descubren Roma per primer vegada.
  • Los galos conocen a Bocácix, restaurador galu instaláu en Roma col que se vuelven atopar en Astérix en Córcega. Tamién vuelven atopase col mercadel feniciu (Panoyamaís) n'otros álbumes.
  • Nesta aventura tamién s'atopen colos pirates per primer vegada. El capitán de la barba encarnada y el vieyu llatinista distinguíu yá tán presentes.