Asamblea Xeneral de les Naciones Xuníes

De Wikipedia
Saltar a: navegación, buscar
Vista esterior del edificiu de l'Asamblea Xeneral de les Naciones Xuníes.

L'Asamblea Xeneral de les Naciones Xuníes ye l'órganu principal de les Naciones Xuníes. Nella tán representaos tolos Estaos Miembros, caún con un votu. Les votaciones sobre cuestiones importantes, tales como la de paz y seguridá, ingresu de nuevos Miembros y cuestiones presupuestaries, decídense por mayoría de dos tercios (mayoría calificada). El restu, por mayoría simple.

Oxetivos[editar | editar la fonte]

  • Considerar los principios de la cooperación nel caltenimientu de la paz y la seguridá internacional.
  • Aldericar toa cuestión rellativa a la paz y la seguridá internacionales y, sacante nos casos en que'l Conseyu de Seguridá tea desaminando un discutiniu o situación, facer encamientos al respeutu. (Artículu 12)
  • Promover estudios y facer encamientos pa fomentar la cooperación política internacional, puxar pol derechu internacional y la so codificación, ayudar a facer efeutivos los drechos humanos y les llibertaes fundamentales de toos y fomentar la cooperación internacional en materies de calter económicu, social, cultural, educativu y sanitariu;
  • Encamentar midíes pal arreglu pacíficu de cualesquier situación, seya'l que fora'l so orixe, que pueda perxudicar les rellaciones amistoses ente naciones;
  • Recibir y considerar los informes del Conseyu de Seguridá y de los demás órganos de les Naciones Xuníes;
  • Desaminar y aprobar el presupuestu de les Naciones Xuníes y afitar les cuotes de los Miembros;
  • Escoyer a los miembros non permanentes del Conseyu de Seguridá, los miembros del Conseyu Económicu y Social y los del Conseyu d'Alministración Fiduciaria que seyan d'eleición; escoyer, col Conseyu de Seguridá, a los maxistraos de la Corte Internacional de Xusticia y, por encamientu del Conseyu de Seguridá, nomar al Secretariu Xeneral.
  • De conformidá col resolvimientu Xunión Pro Paz, adoutada pola Asamblea Xeneral en payares de 1950, l'Asamblea puede tomar midíes si'l Conseyu de Seguridá, por falta d'unanimidá ente los sos miembros permanentes, nun les toma nun casu en que paez haber amenaza a la paz, quebrantamientu de la paz o actu d'agresión. L'Asamblea ta facultada pa considerar l'asuntu darréu con cuenta d'encamentar a los Miembros l'adopción de midíes colectives, inclusive, en casos de quebrantamientu de la paz o d'actu d'agresión, l'emplegu de la fuerza armada si fuera necesariu pa caltener o restablecer la paz y la seguridá internacionales.

Organigrama[editar | editar la fonte]

L'Asamblea Xeneral mientres un periodu de sesión plenaria.

L'asamblea siempres tien previstu un máximu de siete meses d'antelación pa la publicación de les temes d'importancia nes sesiones de manera provisional, pero esti llógrase de mou definitivu 60 díes enantes de cada sesión. Una vegada nel tiempu de sesión plenaria cada comité espón los documentos ya informes, y cuando yá son amosaos estos sométense a votación polos estaos miembros pa la so aprobación.

Nos últimos años les sesiones plenaries programáronse cada trés meses, pero de fechu l'escesu de trabayu emerxente provoca unos recesos curtios per cada sesión. Cada temporada rutinaria prográmase por qu'empiece el martes de la tercer selmana de setiembre, pa cuntar cola primer selmana de trabayu según les normes de procedimientu de la ONU. Les sesiones suelen ser bien interveníes pola razón del númberu d'estaos miembros solicitantes, por ello les temes de prioridá pasen a los seis comisiones principales hasta'l final del so periodu a mediaos d'avientu.

Les comisiones principales entámense del siguiente mou:
  • Primer comisión: Desarme y seguridá internacional. (DISEC)
  • Segunda comisión: Asuntos económicos y financieros. (ECOFIN)
  • Tercer comisión: Asuntos sociales, humanitarios y culturales. (SOCHUM)
  • Cuarta comisión: Política especial y de descolonización. (SPECPOL)
  • Quinta comisión: Asuntos alministrativos y presupuestarios.
  • Sesta comisión: Xurídica.

Sesiones estraordinaries[editar | editar la fonte]

A la fin de la temporada de sesiones plenaries los estaos miembros pueden axuntase de nuevu nuna sesión estraordinaria, pa ello tienen de tar d'alcuerdu toes la partes y que'l Conseyu de Seguridá lo afite como necesario.

Ver tamién[editar | editar la fonte]

Enllaces esternos[editar | editar la fonte]

Campaña pal Establecimientu d'una Asamblea Parllamentaria nes Naciones Xuníes (UNPA)