Arxentina nos Xuegos Paralímpicos de Roma 1960

La participación d'Arxentina nos Xuegos Paralímpicos de Roma 1960 foi la primer actuación paralímpica de los deportistes arxentinos, na tamién primer edición de los Xuegos Paralímpicos. La delegación arxentina presentó 5 deportistes namái nun solu deporte (natación), de los cualos 4 yeren muyeres.^[1]

L'equipu paralímpicu llogró 2 medayes d'oru, trés de plata y 1 una de bronce. Nel medayeru xeneral ocupó la posición nᵘ 10 sobre 18 países participantes, siendo l'únicu país llatinoamericanu y l'únicu tamién de fala hispana.^[2]

Toles medayes fueron llograes en natación y tolos integrantes de la delegación llograron medayes. Individualmente Juan Sznitowski llogró dos medayes, una d'oru y otra de plata na clase 5. Los homes llograron dos medayes (1 d'oru) y les muyeres llograron 4 medayes (1 d'oru).

Seis medayes en natación[editar | editar la fonte]

L'equipu de natación llogró medayes en toles pruebes en que se presentaron. Juan Sznitowski llogró dos medayes, una d'oru en 50m llombu 5 y una de plata en 50m llibre 5. Dos de los integrantes del equipu llograríen medayes nos xuegos siguientes: Sznitowski llograría tres medayes en Tokyo 1964 (1 d'oru y 2 de bronce); Amelia Mier llograría 3 medayes de bronce en Tokyo, 2 medayes (plata y bronce) en Tel Aviv 1968.

Oru en 50 metros espalda masculín[editar | editar la fonte]

Juan Sznitowski llogró medaya d'oru na final de la prueba de natación 50 metros espalda clase 5, que s'apostó completa, con un tiempu de 48:00, superando al italianu Carfagna por 18 segundos y 90 centésimes. Sznitowsaki llogró tamién una medaya de plata en 50 m estilu llibre.

Natación: 50 m llombu clase 5
Nadador	País	Tiempu
1	Juan Sznitowski	Arxentina	0:48.00
2	Carfagna	Italia	1:06.90

Oru en 50 metros llibre femenín[editar | editar la fonte]

Beatriz Perazzo llogró medaya d'oru na final de la prueba de natación 50 metros crawl clase 3, que s'apostó incompleta, con un tiempu de 1:15.30.

Natación: 50 m llibre clase 3
Nadadora	País	Tiempu
1	Beatriz Perazzo	Arxentina	1:15.30

Plata en 50 metros llibre masculín[editar | editar la fonte]

Juan Sznitowski llogró medaya de plata na final de la prueba de natación 50 metros estilu llibre clase 5, que s'apostó completa, con un tiempu de 0:38.10, apenes 20 centésimes detrás del vencedor.

Natación: 50 m llibre clase 5
Nadador	País	Tiempu
1	Denis Favre	Suiza	0:37.90
2	Juan Sznitowski	Arxentina	0:38.10
3	Franco Rossi	Italia	0:47.50

Plata en 50 metros espalda femenín[editar | editar la fonte]

María Djukich llogró medaya de plata na final de la prueba de natación 50 metros espalda clase 4, que s'apostó incompleta, con un tiempu de 1:35.90.

Natación: 50 m llombu clase 4
Nadadora	País	Tiempu
1	Zander	Alemaña	0:37.90
2	María Djukich	Arxentina	0:38.10
3	Margaret Harriman	Rhodesia	0:54.30

Plata en natación: 50 metros llibre femenín[editar | editar la fonte]

Amelia Mier llogró medaya de plata na final de la prueba de natación 50 metros estilu llibre clase 5.

Natación: 50 m llibre clase 5
Nadador	País	Tiempu
1	Dafne Ceeney	Australia	0:47.00
2	Amelia Mier	Arxentina	1:05.00

Plata en natación: 50 metros llibre femenín[editar | editar la fonte]

Beatriz Galán llogró medaya de plata na final de la prueba de natación 50 metros #estilu llibre clase 4, que s'apostó incompleta, con un tiempu de 1:38.60.