Arrakis (estrella)

De Wikipedia
Saltar a: navegación, buscar
Arrakis (estrella)
Arrakis A/B
Constelación Draco
Ascensión reuta α 17h 05min 20,1s
Declinación δ +54º 28’ 12’’
Distancia 88 ± 2 años-lluz
Magnitú visual +5,8 / +5,83
Magnitú absoluta +2,74 (conxunta)
Lluminosidá 6,9 soles (conxunta)
Masa 1,2 / 1,1 soles
Radiu 1,5 / 1,5 soles
Tipu espectral F5V / F7V
Velocidá radial -17,3 km/s

Arrakis, Errakis o Alrakis ye'l nome pol que ye conocíu'l sistema estelar μ Draconis (μ Dra / 21 Draconis) na constelación de Draco. Dichu términu provién del árabe ar-rāqiṣ, «el danzante». Atópase a 88 años lluz de distancia del Sistema Solar.

Los dos componentes principales del sistema son dos nanes marielles de tipu espectral F5V y F7V.[1] Dambes de magnitú aparente +5,8,[2][3] son asemeyaos a Tabit3 Orionis), γ Serpentis o χ Draconis A, esta postrera tamién en Draco. Al igual qu'el Sol, son estrelles de la secuencia principal anque más calientes y lluminoses qu'ésti. Asina, la lluminosidá conxunta del sistema equival a 7 vegaes la lluminosidá solar. Los dos estrelles tienen un tamañu asemeyáu, siendo'l so radiu aprosimao un 50% más grande qu'el radiu solar.[4] La masa envalorada de la estrella F5 ye un 20% mayor que la del Sol, ente que la de la so compañera ye un 10% mayor que la de la nuesa estrella.[1]

El periodu orbital del sistema ye de 672 años, siendo la separación media ente dambes componentes de 109 UA. Sicasí, l'acusada escentricidá de la órbita fai que la separación varie nun factor de 2,5 ente 62 y 156 UA; el postreru periastru tuvo llugar en 1949. El planu orbital ta inclináu 35º respectu al planu del cielu.[4]

De la mesma, la estrella de tipu F7 tien una compañera cercana. Ésta ye una nana mariella de tipu G4V similar al Sol, con una masa envalorada de 0,9 mases solares. La separación media ente estos dos estrelles ye de 4 ~ UA.[1] Una cuarta componente alloñada orbita alredor de les otres trés estrelles con un periodu del orde de 4000 años.[5] De magnitú aparente +11,7, paez ser una nana colorada de tipu M3.[6]

Referencies[editar | editar la fonte]