Apple Pippin

De Wikipedia
Saltar a navegación Saltar a la gueta
Parte fronteru de l'Apple Pippin.
Parte trasera de l'Apple Pippin.
Control de l'Apple Pippin/ BanDai Atmark.

El Apple Pippin foi una consola de videoxuegos comercializada por Apple Computer nel añu 1995. Taba basada en redol a un procesador PowerPC 603y a 66 MHz, un módem de 14400 bps y una versión llindada del Mac OS. L'oxetivu yera crear un ordenador baratu empobináu principalmente a funcionar con título multimedia basaos en CD, especialmente xuegos, pero tamién funcionando como ordenador de rede. Disponía d'una unidá CD-ROM 4x y una salida de videu con conexón normalizada de televisión.

Apple nunca tuvo la intención de llanzar la so propia Pippin. En llugar d'esto, pretendía llicenciar la teunoloxía a terceros, nun modelu similar al de la fallida 3DO Interactive Multiplayer;siendo l'únicu licenciatario de Pippin que llanzó un productu al mercáu Bandai.

Pa cuando la Bandai Pippin foi llanzada, en 1995, el mercáu yá taba apoderáu pola Sony PlayStation, la Nintendo 64 y la Sega Saturn, consoles muncho más potentes que la Pippin, más xenérica nes sos posibilidaes. Amás d'esto, había bien pocu software disponible pa la Pippin, siendo'l mayor publicador la mesma Bandai.

Con un costo inicial de $599 y siendo considerada un ordenador baratu, el sistema, en realidá, foi identificáu de normal como una consola de videoxuegos. Como tal, el so preciu foi consideráu demasiáu eleváu en comparanza coles sos coetanees.

Namái unos cientos de Pippins fueron manufacturados y la so producción foi tan llindada qu'había más teclaos y módems producíos que sistemes.[1]

Finalmente, Pippin, como teunoloxía, sufrió por cuenta de la so apaición tardida na xeneración de consoles 3D y a tener poca potencia tantu pa ser una consola como pa ser un ordenador. La versión de Bandai sumió rápido, teniendo namái un llanzamientu llindáu nos Estaos Xuníos y en Xapón.

En mayu de 2006, la Pippin foi votada unu de los 20 peores productos teunolóxicos de tolos tiempos[2] pola revista PC World.

Referencies[editar | editar la fonte]

Enllaces esternos[editar | editar la fonte]



Apple Pippin