Antonio García Oliveros

Antonio García Oliveros
Vida
Nacimientu	Navia, 9 de xunu de 1900
Nacionalidá	España
Muerte	27 d'avientu de 1985 (85 años)
Estudios
Llingües falaes	castellanu asturianu
Oficiu	escritor

Antonio García Oliveros (9 de xunu de 1900, Navia – 27 d'avientu de 1985) foi un médicu y escritor en llingua asturiana. Nació en Navia (Asturies) el 9 de xunu de 1900. Estudió bachiller n'Uviéu (Asturies), onde moraba dende los 11 años, y medicina en Santiago de Compostela.

Miembru de númberu del Institutu d'Estudios Asturianos dende la so fundación, pue ser consideráu como unu de los conservadores más fieles del asturianu ente los de la so xeneración. Cultivó n'especial la poesía festiva y collaboró en periódicos y revista col seudónimu AGO.

La so biblioteca, una de los meyores de fondu asturianista, foi vencida al Conceyu d'Uviéu y dempués a la Biblioteca d'Asturies a la so muerte, asocedida'l 27 d'avientu de 1985. Nel so honor, foi dedicada al so nome la XXIII Selmana de les Lletres Asturianes.

Obra

• Cuentiquinos del escañu / por A. García Oliveros ; prólogu de Constantino Cabal ; ilustraciones d'Alfonso. — Uviéu : [s.n.], 1945.
• Melecina casera : cuentos médicos en dialeutu asturianu / por A. García Oliveros ("Ago") ; prólogu de Santiago Melón y Ruiz de Gordejuela. — Uviéu : [s.n.], 1953 .
• Más cuentiquinos del escañu / Antonio Garía Oliveros ; prólogu, J. Cueto Alas ; ilustraciones, J. Paredes. — Uviéu : Biblioteca popular asturiana, 1978. — 159 p. : il. ; 19 cm. — (El Trasgu ; 3)
• Ensayu d'un diccionariu bable de la rima / compuestu por A. García Oliveros ("Ago"). — Uviéu : Institutu d'Estudios Asturianos, 1946. — 471 p. ; 22 cm
• Teodoro Cuesta : (ensayu bio-bibliográficu)... : discursu lleíu pol so autor nel actu de la so solemne receición académica'l 28 d'abril de 1949 / por Antonio García Oliveros ; contestación Martín Andreu Valdés. — Uviéu : Institutu d'Estudios Asturianos, 1949. — 167 p. ; 18 cm
• La imprenta n'Uviéu : (notes pa la so hestoria) / por A. García Oliveros. — Uviéu : Institutu d'Estudios Asturianos, 1956. —219 p. ; 18 cm
• Contribución al estudiu de les postas y el corréu n'Asturies / Antonio García Oliveros. — Granada : Club Internacional Alhambra, 1958. — 148 p. ; 22 cm. — (Biblioteca del Club Internacional Alhambra)

Ver tamién

• Xeneración de la posguerra

Bibliografía

• Melón Fernández, Santiago. Biografía del Dr. Antonio García Oliveros. Uviéu: Real Institutu d'Estudios Asturianos.

Enllaces esternos

• Datos: Q5698424