Amanita citrina

De Wikipedia
Saltar a navegación Saltar a la gueta
Commons-emblem-notice.svg
 
Amanita citrina
Amanita citrina JPG1.jpg
Clasificación científica
Reinu: Fungi
División: Basidiomycota
Clas: Agaricomycetes
Subclas: Agaricomycetidae
Orde: Agaricales
Familia: Amanitaceae
Xéneru: Amanita
Especie: A. citrina
(Schaeff.) Pers., 1797
[editar datos en Wikidata]
Amanita citrina
Carauterístiques micolóxiques
Symbol question.svg
Flat cap icon.svg 
El sombreru ye aplanáu
Free gills icon2.png 
Les llámines son llibres
Ring and volva stipe icon.png 
El pie tien aniellu y volva
White spore print icon.png 
Espores de color blancu
Mycorrhizal ecology icon.png 
Inedible toxicity icon.png 
Comestibilidá: non comestible
[editar datos en Wikidata]

Amanita citrina ye un hongu basidiomiceto del orde Agaricales, qu'habita tantu en montes de coníferes como de frondosas. Ye una especie termófila, que nun ta avezada a los climes fríos. Suélse-y atópase en suelos arenosos, que son acedos y probes en nutrientes. Forma asociaciones micorrícicas, preferentemente con coníferes. El cuerpu granible apruz dende finales de branu a finales de seronda. El so sabor ye desagradable, polo que nun se-y considera un hongu comestible.[1]

Morfoloxía[editar | editar la fonte]

El cuerpu granible ta rematáu por un sombreru d'ente 5 y 10 centímetros de diámetru, de forma hemisférica n'exemplares nuevos y esplanada en cogordes más desenvueltes. Presenta un color mariellu llimón bien pálidu, que puede variar escontra'l verde amarellentáu o'l verdosu. Tamién puede ser dafechu blancu. De cutiu presenta na so superficie restos del velo, que forma grandes plaques —blanques, amarellentaes o parduscas—. Tien una cutícula xelatinosa y que s'esprende con facilidá. Los marxes del sombreru son llisos y les llámines son llibres y prietas, de color blancu o amarellentaes. El pie mide ente 10 y 12 centímetros de llargu y ente 1 y 1,5 d'anchu, blancu amarellentáu, y tien un ampliu aníu amarellentáu, con superficie estriada. La volva ye de gran tamañu, cilíndrica con un cantu cortáu bien característicu. La so carne ye blanca, amarellentada na zona darréu inferior a la cutícula, y nun tien valor como comestible, pol so mal sabor.[1]

Posibilidaes de tracamundiu[editar | editar la fonte]

Ye posible confundilo con exemplares blancos de la especie Amanita phalloides, según con Amanita virosa, dambes bien tóxiques.[1]

Referencies[editar | editar la fonte]

  1. 1,0 1,1 1,2 Grünert, H.; Grünert, R. (1984). Guíes de Naturaleza Blume: Cogordes (t. orixinal:"Pilze"). Blume, 16. ISBN 84-87535-11-9.

Enllaces esternos[editar | editar la fonte]


Amanita citrina