Alice Calhoun

De Wikipedia
Saltar a: navegación, buscar
Alice Calhoun
Alice Calhoun
Alicecalhoun 2 cropped.jpg
Alice Calhoun
Nome real Alice Beatrice Calhoun
Nacencia 21 de payares de 1900
Bandera de Estaos Xuníos d'América Cleveland (Ohio), Estaos Xuníos
Muerte 3 de xunu de 1966
Bandera de Estaos Xuníos d'América Los Angeles, California, Estaos Xuníos
Pareya/es Mendel B. Silverburg (1926)
Max Chotiner (1926 - 1938)
Ficha en IMDb

Alice Calhoun (21 de payares de 19003 de xunu de 1966) foi una actriz cinematográfica estauxunidense de la dómina del cine mudu.

Carrera[editar | editar la fonte]

El so nome completu yera Alice Beatrice Calhoun, y nació en Cleveland (Ohio). Debutó nel cine en 1918 con un papel ensin creitos, actuando nun total de 47 filmes dende entós hasta 1929. Como estrella de la compañía Vitagraph de Nueva York, ella siguió a la productora cuando la mesma alcontróse en Hollywood.[1] Ente los sos filmes destacaos figuren The Man Next Door (1923),[2] nel cual interpretaba a Bonnie Bell, y The Man From Brodney's (1923), cinta na que trabayaba col actor J. Warren Kerrigan so la dirección de David Smith, con un guion basáu na novela de George Barr McCutcheon.[3] Otra de les sos producciones foi Between Friends (1924), adaptación d'una hestoria de Robert William Chambers na qu'actuó xuntu a Anna Q. Nilsson y Norman Kerry.[4] Ente les sos otres películes destaquen Pampered Youth (1925), The Power of the Weak (1926), Savage Passions (1927), y Bride of the Desert (1929).

Al igual qu'a otres estrelles de la dómina, la so voz nun-y dexó actuar con ésitu nel cine sonoru, siendo la única interpretación que fixo en dichu mediu un papel ensin creitos nel añu 1934.

Vida personal[editar | editar la fonte]

El so primer home foi Mendel Silberberg, un abogáu de Los Angeles, California. Casóse en mayu de 1926, y él solicitó'l divorciu en xunetu alegando que Calhoun caltenía otra relación sentimental nel momentu de la so boda. El matrimoniu foi anuláu.[1]

En 1925 Calhoun invirtiera nuna sala de proyección. Al pie del so segundu home, Max Chotiner, con quien se casara de callao en Ventura (California)[5] el 28 d'avientu de 1926, foi propietaria d'una cadena de sales na área de Los Angeles. Con gran ésitu económicu, Calhoun y el so home collaboraron con diverses organizaciones caritatives locales, trabayando finalmente Chotiner como axente inversor.[1] La pareya divorcióse en 1938.[6]

Alice Calhoun finó en Los Angeles, California, en 1966 por causa de un cáncer. Tenía 65 años d'edá.[1] Foi soterrada nel Campusantu Forest Lawn Memorial Park de Glendale (California).

Pola so contribución a la industria cinematográfico, a Alice Calhoun concedióse-y una estrella nel Paséu de la Fama de Hollywood, nel 6815 de Hollywood Boulevard.

Referencies[editar | editar la fonte]

  1. 1,0 1,1 1,2 1,3 Alice Calhoun Chotiner, 65, Starred In Silent Movies, New York Times, 6 de xunu de 1966, Páxina 41.
  2. The Screen, New York Times, May 29, 1923, Page 10.
  3. Notes of the Filme, New York Times, 16 de setiembre de 1923, Páxina X4.
  4. The Screen, New York Times, 12 de mayu de 1924, Páxina 14.
  5. Alice Calhoun Reweds, New York Times, 5 de xineru de 1927, Páxina 18.
  6. Silent Screen Star Divorced, Los Angeles Times, 17 de xunu de 1938, Sección II, Páxina 2.

Enllaces esternos[editar | editar la fonte]