Alfonso VIII de Lleón

Alfonso VIII de Lleón
Vida

Alfonsu VIII de Lleón (Naz en Zamora nel añu 1171- muerre en Sarria nel añu 1230) (conocíu como Alfonsu IX), ye fíu de Fernandu II y Urraca de Portugal. Casase con Teresa de Portugal, fía de Sancho I de Portugal y con Berenguela de Castiella, fía d'Alfonso I de Castiella (conocíu como Alfonso VI de Castiella).

Matrimonio y descendencia

Alfonsu VIII, casóse con su prima Teresa de Portugal cola que tuvo tres fíos; Fernándo, Sancha y Dulce y nel so segundu matrimoniu cola so sobrina Berenguela de Castiella tien a Lleonor, Constanza, Fernándo (futuru Fernándo III de Castilla y de León), Alfonsu y Berenguela. Fuera de estos casorios tien otros diez fíos.

Los sos dos casorios son anulaos, el primeru por el Papa Celestino III y el segundo por el Papa Inocencio III. Alfonsu VIII foi excomulgau hasta tres vegaes, frutu de la controvertida rellación del reinu de Lleón cola Roma de los Papas.

Reinado

Xube al tronu de Lleón nel añu 1188 reinando hasta la so muerte nel añu 1230. El so reinau duró cuarenta y dos años y baxu'l so reinau el reinu algamó una gran prosperidá y reorganización tantu interior, como na so política exterior.

Alfonsu VIII, dexa a la so muerte como herederes a les sos fíes Sancha y Dulce, testamentu que no ye respetau pola so ex-muyer Berenguela que fai tolos esfuercios por algamar la corona pal so fíu, ya rey de Castiella, Fernándo, que pasará a reinar en Castiella y llueu en Lleón como Fernandu III.

Ye incomprensible y anacrónicu numberar a esti rei col ordinal IX y non el VIII como-y correspuende. Ensin dulda obedez al interés por confundir, absorber y usurpar la identidá del reinu de Lleón confundiéndolo col de Castiella. ¿Con qué fin y oxetu?

Pa l'alministración del so reinu, Alfonsu cuntaba cola ayuda de nobles que teníean cargos politicos y con otros servidores más inferiores y acasu mas permanentes. Les sos esmoliciones fundamentales fueron la xusticia y la facienda. Determinó que tolos xueces del so reinu, previu xuramentu, nun recibieren regalu dalgunu de naide, nin pequeñu nin grande, pos el mesmu monarca daba a toos ellos una remuneración abondosa, por cuenta de l'ayalga real. Asina tenemos como nes Cortes de Benavente de 1202 afitó los principios y derechos económicos del reinu y de los sos habitantes.

Alfonsu VIII apuerta al tronu con 16 años, tres la muerte del so padre y tien que faer frente a la so madrasca, Urraca López de Haro quien pretende que'l tronu recaya nel so fíu, Sancho, argumentando qu'Alfonso ye frutu d'una rellación yá anulada pola Ilesia. Urraca nun atopa sofitos ente los nobles lleoneses y el so intentu non fructifica.

Alfonso VIII convoca nel añu 1188 una Curia Regia a la que van asistir l'arzobispu de Compostela, máxima autoridá eclesiástica del reinu, los demás obispos, los nobles y los representantes escoyíos por caúna de les ciudaes. Esta curia, axuntada nel claustru de la ilesia de San Isidoro de Lleón ye considerada anguaño como les primeres cortes celebrada n'Europa.

[…] “Ego Dominus Aldefonsus Rex Legionis et Gallicie cum celebrare curiam apud legionem cum Archiepiscopo et Episcopis, et magnatibus Regni mei et cum electis ciuibus ex singulis ciuitatibus, constituti, et juramento firmaui, quod omnibus de Regno meo tam clericis, quam laicis seruare mores bonos, quos a predecessoribus meis habent constitutos.” […]

Nestes cortes el rei estableció los sos decretos o constitución, aquellos decreta de 1188 pueden considerase como la primer carta magna d'Europa. Nestos decreta, ente otros compromisos el rei promete nun faer la paz o pactu, nin la guerra, ensin conseyu del cleru, nobleza y homes bonos. Prohibe allanar o destruyir morada, viñes o árboles de los súbditos y faer asonadas, so pena de pagar los daños, incurrir en desgracia real y perder la tierra o'l beneficiu que tuviera. Prohibió apoderase de bienes ayenos o prindar, anu ser por aciu les autoridaes xudiciales y estableció midíes sobre procedimientu xudicial.

Camín en pelegrinación a Santiago carez gravemente y sobrevien-y la muerte en Villanueva de Sarria. Ye soterráu na Catedral de Santiago, al pie del so padre, por espresu deseyo so.

Enllaces esternos

• Wikimedia Commons tien conteníu multimedia tocante a Alfonso VIII de Lleón.

• Datos: Q31747870