Alfa Lyncis

De Wikipedia
Saltar a navegación Saltar a la gueta
Alfa Lyncis
Alfa Lyncis
Constelación Llobu cerval
Ascensión reuta α 09h 21min 03,46s
Declinación δ +34º 23’ 33,1’’
Distancia 222 años lluz
Magnitú visual +3,14
Magnitú absoluta -1,02
Lluminosidá 700 soles (bolométrica)
Temperatura 3860 K
Masa 2 soles (aprox)
Radiu 59 - 65 soles
Tipu espectral K7IIIvar
Velocidá radial +37,6 km/s

Alfa Lyncis (α Lyn / 40 Lyncis / HD 80493)[1] ye la estrella más brillosa de la pequeña constelación del Llobu cerval y l'única que tien asignada una lletra griega de Bayer. Ye una estrella variable de magnitú aparente +3,14. Tamién recibe'l nome, pocu utilizáu, de Elvashak o Alvashak, que'l so orixe ye árabe (الوشق al-washaq) y significa «el gatu montés».

Asitiada a 222 años lluz del Sistema Solar, Alfa Lyncis ye una xigante naranxa de tipu espectral K7IIIvar. Les sos carauterístiques son asemeyaes a les de la vecina Alsciaukat (31 Lyncis), magar la distinta distancia que nos dixebra de dambes pon de manifiestu que nun tán rellacionaes ente sigo. Ye 700 vegaes más lluminosa qu'el Sol, tenida en cuenta la radiación qu'emite nel infrarroxu, yá que ye una estrella fría de 3860 K de temperatura. Como xigante que ye, el so radiu ye ente 59 y 65 vegaes más grande qu'el radiu solar. La so masa ye aprosimao'l doble que la del Sol.[2]

Con una edá envalorada de 1400 millones d'años, nun se sabe con certidume en que fase de la evolución estelar alcuéntrase. Puede tar aumentando en rellumu con un nucleu inerte de heliu, atenuando llixeramente'l so rellumu pola fusión del heliu internu en carbonu y oxíxenu, o amontando'l so lluminosidá con un nucleu inerte de carbono enantes d'espulsar les sos capes esteriores.[2]

Referencies[editar | editar la fonte]