Alderique:Gojira (película de 1954)

@Carbayales: Añadí la ficha {{película}}, que garra casi tolos datos que taben metíos a mano. Anque hai dellos valores que nun tan metíos en Wikidata, como el presupuestu o la recaldación. Sicasí, esisten propiedaes pa metelos. Por casu, el presupuestu de la película ye la propiedá P2769 y la recaldación ye P2142. Avísame si necesites un gabitu con Wikidata, yo casi toi más ehí qu'equí. YoaR (alderique) 07:15 9 pay 2021 (UTC)

Hai un problema colo que pon que son les continuaciones, porque Godzilla, King of the Monsters! nun lo ye, y la de Godzilla Raids Again enllaza cola páxina de Wikidata en cuenta de cola que voi facer equí. ¿Cómo se cambia eso?

Per otra parte, "terror" nun ye asturianu normativu, y pienso qu'habríemos ser respetosos col pidimientu de los xaponeses de poner l'apellíu primero. Carbayales (alderique) 10:49 9 pay 2021 (UTC)

@Carbayales: cuando tengas creáu l'artículu de Godzilla Raids Again y lu enllaces a Wikidata, la ficha enllazará automáticamente al nuevu artículu. Lo de les continuaciones ta definíu na propiedá P156. Si lo cambies ehí, cámbiase tamién na ficha. Sobre lo de los nomes xaponeses nun sé qué dicite, lo que llevamos faciendo n'esta Wiki ye siguir el "conveniu" que se fai en toles demás wikis, que ye'l nome del pa primeru y llueu el de la ma, al igual que se fai colos húngaros (por casu, tenemos Ferenc Puskás, como ye conocíu internacionalmente, y non Puskás Ferenc). Nun conozo la pallabra normativa pa terror (¿tarrecible?), nun tengas mieu en camudala en d:Q200092.

Entiendo que tengas mieu a Wikidata como dices nel Chigre, yo tamién lo tenía, pero ye una ferramienta perafayadiza pa tener les fiches siempre anovaes ensin esfuerciu, qu'equí tamos bien curtios de manes. YoaR (alderique) 15:35 9 pay 2021 (UTC)

Val, pos esta selmana fadré la páxina, gracies. Supongo que "mieu" pue ser demasiao informal, conque igual lo meyor ye "horror" (como nos más de los idiomes). Colo de los apellíos enantes de los nomes refiérome a esto, que cada poco insisten los xaponeses en recordalo y n'occidente dexámoslo pa prau: https://www.lavanguardia.com/vida/20190621/463017483604/japon-pide-volver-al-orden-tradicional-de-nombres-abe-shinzo-no-shinzo-abe.html Carbayales (alderique) 22:04 9 pay 2021 (UTC)

Toi viendo que tamién enllaza a Wikidata "Godzilla, King of the Monsters!", y l'artículu d'esa yá la tengo fecha. Carbayales (alderique) 22:09 9 pay 2021 (UTC)

Val, eso igüélo. Voi deprendiendo. Carbayales (alderique) 22:33 9 pay 2021 (UTC)