Alderique:Asturina cola estrella bermeya

Redirección dende "asturina" (razones)

Fixi la redirección d'esa páxina llamada "asturina" pa la páxina d'esti artículu llamada "Asturina cola estrella bermeya", poles razones que vienen darréu:

Va unos díes punxi la etiqueta de "non neutral" por mor de que nesa páxina s'afirmaba que l'alcuñu "asturina" s'aplicaba tanto pa la bandera d'Asturies como pa la enseña usada por una parte del nacionalismu asturianu y que tien una estrella bermeya. Esa afirmación nun taba referenciada y naide quixo dar nenguna referencia al mio pidimientu, como se podrá comprobar polo que digo posteriormente. Oficialmente, la bandera d'Asturies nun tien negún nome nin alcuñu, como pue comprobase nel Artículu 3 del Estatutu d'Autonomía pal Principáu d'Asturies, como na Llei del Principáu d'Asturies que regula l'usu y les formes pa la bandera d'Asturies, referencies yá daes anteriormente, pero que vuelvo dales agora equí: Actual Estatutu d'Autonomía, y Llei 4/90 de 19 d'avientu, BOPA 9 de xineru de 1991.

Tamién punxi la etiqueta d'"artículu a borrar" porque, al nun referise a la bandera d'Asturies, esa páxina de dixebra nun tenía sentíu d'esistir, al quedar entóncenes como denominación pa esta enseña nacionalista anteriormente mentada y que ye la d'estii artículu, y ye por ello que faigo esta redirección al presente artículu.

Namái hubo un únicu usuariu que participó nesi alderique, Denis, y que yera (o ye) contrariu a los mios plantegamientos. Pidí-y que me diera una referencia onde poder comprobar y verificar qu'esi alcuñu d'"asturina" s'aplicaba o s'aplicó o s'aplica a la bandera d'Asturies. Tuvi que pidi-y delles veces (cinco, creo recordar, y siempre sobre lo mesmo) una referencia, tanto nesi alderique como nel chigre de la comunidá, y nun solo nun les dio, sinón que, amás, negóse a dar dal referencia para xustificar la so postura, como se pue comprobar nes sos intervenciones del chigre, nel apartáu de "Vista gorda".

Poro, considero qu'al nun haber más opiniones sobre esi tema, y que l'únicu interesáu nun aportó nada pa poder defender la so postura (de fechu, negóse), póngome llibremente a facer esta redirección (al nun poder borrar la páxina, al ser un simple usuariu y non un alministrador) y eliminar esa referencia d'"asturina" pa la bandera d'Asturies, yá qu'oficialmente nun tien nome nengún y naide nun dio nenguna referencia o fonte fiable onde poder comprobar qu'al menos popularmente (como s'afirmaba nesta páxina) sí tien o tenía esi alcuñu.--Etienfr 14:31, 2 ochobre 2011 (UTC)

Acabo de redireicionar la páxina "Asturina cola estrella bermeya" al artículu "Asturina" y ésti últimu a Bandera d'Asturies. Asinamesmo denuncio nel Chigre al usuariu Etienfr poles siguientes razones:

* La primer bandera correspuende a un partíu políticu ensin representación parllamentaria polo qu'infrinxe la política d'imparcialidá de la uiquipedia.

* L'Asturina foi la denomación de la bandera d'Asturies na década de los 70 per parte de Conceyu Bable y güei ye emplegada únicamente por organizaciones de calter políticu y social que tampoco nun cuenten con representación parllamentaria. Nun amerita polo tanto un artículu pero sí una cita nel artículu de Bandera d'Asturies xunto cola "Azuleste".

* L'orixe del conflictu col usuariu Etienfr vieno por reclamá-y un llingüaxe menos vehemente y imparcial asina como formes correutes, pesie a tar d'alcuerdu cola eliminación o fusión de dambos artículos, como apunté na primer argumentación:

"Cuido que deberíes dexar a un llau les tos convicciones ideolóxiques y aplicar la oxetividá y unes formes más correutes. En primer llugar el nome "d'Asturina" ye un nome que s'aplicó nos años previos a Conceyu Bable, y que per aciu d'esti coleutivu foi espardiéndose esa denomación nos años 70 (a principios de sieglu dábase-y otru nome, l'Azuleste). Recordemos tamién que la bandera asturiana entama a ser colocada polos ayuntamientos por iniciativa d'esti coleutivu en 1979. L'ausencia del alfa y l'omega nesta bandera pues atopala na bandera de Xovellanos de 1808, realmente ye una añadidura que se caltuvo de forma intermitente tomando la referencia de la insinia del Reinu d'Asturies. Per otru llau, l'asturina cola estrella bermeya ye usada por un únicu partíu políticu y sí pienso que nun vaga la pena que tenga una entrada na uiquipedia. Al mio mou de ver, l'articulu debería fusionase col de Bandera d'Asturies, pero dexando claro dientro d'esi artículu qu'Asturina ye un sinónimu emplegáu nún determináu momentu de la historia y afaláu por un determináu coleutivu que sigue en puxu en determinaos ámbitos sociales. Insisto, el fechu de que te paeza una aberración, que te represente o te dexe de representar o demás apreciaciones ye independiente al llabor imparcial que se desenrolla na uiquipedia"

Sicasí, nun sé si a cuenta d'una mala interpretación voluntaria o arrémente, Etienfr siguió emplegando males maneres y faciendo insinuaciones infundaes sobro que na uiquipedia se facía la "vista gorda". Los exemplos que-y reclamé nun son válidos, porque dambos casos se solucionaron de manera favoratible y nún d'ellos el so demoráu desbloquéu foi debío a la falta d'actividá y a la poca capacidá de los alministradores. El fechu de me desixir referencies pa l'artículu Asturina que pretendo suprimir ye contradictorio porque en tou casu les referencies han dir nel artículu Bandera d'Asturies pa les cites Azuleste y Asturina.--Denis 16:38, 2 ochobre 2011 (UTC)