Adelaide Penha de Magalhães

Adelaide Penha de Magalhães
Vida
Nacimientu	Cabeceiras de Basto (es) , 19 de mayu de 1874
Nacionalidá	Portugal Reinu de Portugal
Muerte	Santo Tirso, 12 d'abril de 1945 (70 años)
Estudios
Llingües falaes	portugués
Oficiu	escritora, política

D. Adelaide da Conceição Penha Ferreira de Magalhães (19 de mayu de 1874, Cabeceiras de Basto ^(es)  – 12 d'abril de 1945, Santo Tirso) foi una profesora, escritora feminista, y activista republicana portuguesa, exerciendo la política llocal mientres la Primer República Portuguesa

Biografía

Adelaide Penha de Magalhães exerció un cargu políticu na alministración estatal llocal, onde votaba neses mesmes Asamblees xenerales de la Xunta Provisional. Foi una de les primeres muyeres n'exercer dalgún tipu de cargu políticu, onde sirvió na Primer República exerciendo esi papel na Cámara de Santu Tirso en 1910, siendo asocedida na segunda votación por Manuel Gil dos Reis Carneiro Dias de Carvalho Ferreira, políticu, conceyal mandatu cumplíu, y ocupando dellos cargos na Alministración Llocal.

Fomentó y promovió, xunto col so maríu, la construcción de delles escueles mistes en Santu Tirso, depués dende l'añu 1910, nes Freguesías de Reguenga, Lamelas y Refojos de Riba d'Ave, onde foi profesora, col enfotu de amenorgar el analfabetismu nes mases populares.

Collaboró inclusive antes de la implantación de la República, en selmanarios republicanos, apaeciendo siquier yá a los sos 22 años, en 1896. Y el direutor de "O Jornal", Dr. Leão de Meireles, yera republicanu y afincáu n'unu de los únicos Conceyos republicanos, inda en tiempu de la monarquía. En 1929 quien foi'l defensor del Jornal nun juzgamiento xudicial foi'l mesmu Dr. António Moreira de Sá Couto, cuñáu de Adelaide Penha de Magalhães.

Escribía viviegamente pa esi periódicu, como pal "Pacense", el "Jornal de Paços de Ferreira", selmanariu republicanu, usando los apelativus de "Adelaide Penha de Magalhães", y de "A. C. Penha Guimarães" n'escritos qu'apaecen bien impulsivos, polo que nun podría acomuñar a una muyer. Collaboraba tamién nesi periódicu republicanu como lu faía Virginia Quaresma, Virgínia de Castro y Almeida, Ana de Castro Osório, Alda Guerreiro, Bernardino Machado, y otres como Maria Amália Vaz de Carvalho

El so padre, José Benjamim de Magalhães, músicu, y les sos tíes profesores, dexáron-y tener una cultura y una educación que pa la dómina yera bastante moderna. Estudió en Braga, onde s'atopaba col so pariente João Penha. El so home, Manuel Carneiro Ferreira, exerció un cargu políticu nes primeres votaciones simultáneamente cola so muyer. El matrimoniu tuvo siete fíos: dos varones, António Penha Ferreira y Manuel Penha Ferreira, y cinco neñes, Elvira, Maria, Augusta, Emilia, y Mariete.

Finó'l 12 d'abril de 1945 siendo soterrada en Refojos de Riba d'Ave, en Santu Tirso.

Bibliografía

Periódicos de Paços de Ferreira, o pacense.

Ver tamién

• Feminismu en Portugal
• Historia de la muyer

Fuentes

• Esta obra remanez de la traducción 30 de marzu de 2013 de Adelaide Penha de Magalhães de Wikipedia - portugués, concretamente d'esta versión, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Enllaces esternos

• Datos: Q10844981