Acubens

De Wikipedia
Saltar a navegación Saltar a la gueta
Acubens
Acubens Aa/Ab
Constelación Cáncer
Ascensión reuta α 08h 58m 29,2s
declinación δ +11º 51’ 28’’
Distancia 174 años lluz
Magnitú visual +4,25 (conxunta)
Magnitú absoluta +0,61 (conxunta)
Lluminosidá 23 / 23 soles
Masa 2 / 2 soles (aprox)
Tipu espectral A5m / A5m
Velocidá radial -13,8 km/s

Acubens (α Cnc / α Cancri / 65 Cancri) ye un sistema estelar asitiáu na constelación de Cáncer que'l so nome deriva de la pallabra árabe الزبانى Az-Zubana que significa «pinza» -del cámbaru-. Sertan o Sartan son nomes utilizaos tamién pa designar a esti sistema. De magnitú aparente +4,25 ye namái la cuarta estrella más brillosa de Cáncer magar tener la denominación de Bayer Alfa. Alcuéntrase a 174 años lluz del Sistema Solar.

La componente principal del sistema, Acubens A, ye de la mesma una estrella binaria —la duplicidá descubierta por tapecimientu pola Lluna— que les sos componentes tán dixebraes 0,1 segundos d'arcu. Los dos son estrelles práuticamente idéntiques, presumiblemente estrelles blanques de la secuencia principal de tipu Am; la m indica que son estrelles con llinies metáliques. Caúna de les estrelles ye 23 vegaes más lluminosa que'l Sol con una masa que dobla la masa solar.

A 11 segundos d'arcu, Acubens B puede vese como una estrella de magnitú 12. De la mesma ye un sistema binariu del que nada se sabe salvu'l so duplicidá. Si los dos componentes de Acubens B son iguales, pueden ser dos nanes coloraes tenues. Acubens A y Acubens B atópense dixebraes siquier 600 UA.

Referencies[editar | editar la fonte]