Abia de las Torres

Abia de las Torres
Alministración
País	España
Autonomía	Castiella y Lleón
Provincia	provincia de Palencia
Partíu xudicial	Carrión de los Condes
Tipu d'entidá	conceyu d'España
Alcalde d'Abia de las Torres	Juan José Sánchez Gutiérrez
Nome oficial	Abia de las Torres (es)
Códigu postal	34479
Xeografía
Coordenaes	42°25′12″N 4°25′16″W / 42.42°N 4.4211111111111°O
	Abia de las Torres Abia de las Torres (España)
Superficie	27.16 km²
Altitú	840 m
Llenda con	Villaherreros, Castrillo de Villavega, Villameriel, Villaprovedo, Espinosa de Villagonzalo y Osorno la Mayor
Demografía
Población	167 hab. (2023); - 89 homes (2019); - 76 muyeres (2019)
Porcentaxe	0% de provincia de Palencia
Densidá	6,15 hab/km²
Más información
Estaya horaria	UTC+01:00
	abiadelastorres.dip-palencia.es

Abia de las Torres ye un conceyu y llocalidá española de la contorna de Tierra de Campos na provincia de Palencia, comunidá autónoma de Castiella y Lleón.

Situación

Atópase perbién comunicada pela Autovía de la Meseta y l'autovía del Camín de Santiago, tando a pocos quilómetros d'Osorno la Mayor. Baña'l so términu'l ríu Valdavia.

Demografía

Evolución demográfica
1991	1996	2001	2004	2007
239	233	197	186	166

1900	1910	1920	1930	1940	1950	1960	1970	1981	1991	2001	2011
638	627	548	535	574	537	472	373	277	203	204	179

Historia

Los oríxenes

Abia de las Torres ye una de les ciudaes Vaccees de la Tarraconense citaes por Ptoloméu na so Xeografía col nome d'Avia. El pobláu d'Avia taba consideráu como un oppidum de los vacceos, lo que significa qu'o bien se trataba de la capital d'una porción de territoriu Vaccéu, o bien se trataba d'una cortil cercada alredor del cuetu del castiellu y redoma. Pa Avia aplica más la segunda definición

Vía y casona romana n'Abia

En dómina romana, esistió una vía (conocida como Vía 16.15) que xunía Abia de las Torres con Saldaña. A ella faen referencia documentos medievales y el so trazáu sería: Abia-Bahillo-Gozón de Ucieza-Villaproviano-Saldaña. Esto nel supuestu de que la Ambinón del Ravennate correspondera col oppidum vaccéu dAvia. Los profesores José María Solana Sainz y Tomás Mañanas defenden esta última posibilidá, frente al profesor Luis Javier Balamaseda, partidariu d'estremar el oppidum vaccéu dAvia d'una mansio cercana llamada Ambinon.

Esta mansio según el Ravennate atópase ente Pisoraca (Herrera de Pisuerga) y Lacóbriga (Carrión de los Condes).

Son abondosos los afayos atopaos a lo llargo del pueblu qu'asina lo atestigüen. D'esta población romana, o de les sos ruines, estráxose (seique) el fragmentu de llábana sepulcral que güei se ve enllastráu nel pórticu de la ilesia parroquial de la villa, que foi construyíu en 1776. D. Francisco Simón y Nieto describióla como una llábana de 40 cm. d'altor por 25cm. d'anchor y lletres altes de 35 mm. nesta llábana puede lleese: .....Li[cirnus?] genero pientissimo, militi immuni...... Que puede traducise como: .....Licirno al so xenru piadosísimu, soldáu exentu......^[2]

A esti afayu hai que sumar fondos de cabañes atopaos nes obres del frontón, y sobremanera l'apocayá descubiertu fornu altu romanu na zona baxa del pueblu.

Edá Media

Yá nel sieglu XII Alfonsu VII otorgaría un fueru a Abia igualando a tolos habitantes: Castellanos, Francos, Moros y Xudíos. Yera gobernada daquella la villa d'Abia pol Conde Gómez de la casa de los Lara, que'l so llinaxe dispunxo de señoríu a lo llargo de seis siglos, tal que señala'l so escudu municipal y los escudos na fachada de la casa que foi de los Marqueses d'Aguilar de Campoo , yá qu'equí nació'l V marques d'Aguilar y el VIII conde de Castañeda llamáu Bernardo Manrique de Lara.

Nel sieglu XIII, en 1280, reinó doña Urraca, la de los güeyos de miel, el que güei se conoz como'l conventu o monesteriu de Santa María de los Barrios d'Abia, see d'unes monxes bernardes que dependíen de «las Huelgas» de Burgos.

Edá Moderna

A la cayida del Antiguu Réxime la llocalidá constituyóse en conceyu constitucional denomináu entós Aviñate, nel partíu de Carrión de los Condes,^[3] que nel censu de 1842 cuntaba con 107 llares y 556 vecinos.

En 1885, Abia de las Torres yera cabeza d'arciprestalgu. Podíen verse los escasos restos d'un castiellu del Marqués de Montealegre.^[4]

Personalidaes

Luis Avia Melendro: relixosu agustín y mártir.

Referencies

↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
↑ Nuevas inscripciones romanas de Alcorrucén, Écija, Denia, Turis y Abia de las Torres. Fidel Fita Colomé (S.I.). Madrid, 2 de payares de 1900.
↑ Conceyu Códigu INE -34003
↑ Valladolid, Palencia y Zamora, 1885, p. 507

Bibliografía

Sáez Rodríguez, Estanislao (1996). Abia de las Torres nel sieglu XVIII. Aproximamiento histórico y miscelánea. Publicaciones de la Institución Tello Téllez de Meneses Nᵘ. 67, páxines 181-242. ISSN 0210-7317.
García Guinea, Miguel Ángel: Románico en Palencia. Diputación de Palencia, Impresión 2007 (2ª edición revisada 2002). ISBN 978-84-8173-130-9. Páx 392.

Enllaces esternos

Sitiu web oficial

Abia de las Torres n'OpenStreetMap.

[4aa567f4760d292d0ff63887ec8a7625a1eb7407-1] Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

[2] Nuevas inscripciones romanas de Alcorrucén, Écija, Denia, Turis y Abia de las Torres. Fidel Fita Colomé (S.I.). Madrid, 2 de payares de 1900.

[3] Conceyu Códigu INE -34003

[4] Valladolid, Palencia y Zamora, 1885, p. 507

[1]

[2]

[3]

[4]