Radio Galega
| Radio Galega | |
|---|---|
| radio | |
 | |
| Llocalización | |
| Sede | San Marcos |
| Direición | España |
| Historia | |
| Fundación | 29 marzu 1985 |
| Organigrama | |
| Dueñu | Corporación de Radio e Televisión de Galiciade Radio-Televisión de Galicia |
| Web oficial | |
 | |
Radio Galega (RG) ye'l nome comercial de la radio pública de Galicia. Ta integrada na Corporación de Radiotelevisión de Galicia, que inclúi, amás, a la Televisión de Galicia (TVG). Entamó les sos emisiones en prebes el 24 de febreru de 1985, dando comienzu a les sos emisiones regulares un mes más tarde, el 29 de marzu del mesmu añu. Dende mediaos de 2009 ta dirixía pola periodista Rosa Martínez, sustituta nel cargu del tamién periodista Virxilio Costas.
Historia
[editar | editar la fonte]Cola aprobación de la Llei de creación de la CRTVG nel Parllamentu de Galicia l'11 de xunetu de 1984, escomiencen les obres na Casa de la Radio, cola remodelación del vieyu edificiu sede de la residencia del gobernador militar.
Radio Galega entama les sos emisiones en prebes el domingu 24 de febreru de 1985, coincidiendo col aniversariu del ñacimientu de la poeta Rosalía de Castro. La programación regular llega un mes dempués, en marzu de 1985, emitiendo dende entós de forma ininterrumpida les 24 hores del día en llingua gallega.
El programa Fío direuto foi'l primeru de los realizaos polos servicios informativos de la emisora.
Nel entamu, taba presentáu por Pedro Revaldería, pero na so tercera emisión pasó a ser dirixíu y presentáu por Xosé María Fernández Pazos, quién lu dirixó hasta ochobre de 1985, fecha na que entamó a coordinar los informativos del fin de selmana. Foi sustituyíu po Xan Docampo.
Fio direuto emitíase inicialmente los llunes de 7 a 8 de la tarde, y, nel mes del so arranque, amplió la so emisión a martes y miércoles. El programa cuntaba con un invitáu distintu cada día a quién los oyentes-y facíen entruges por teléfonu.
La marcha de Xosé Luís Blanco Campaña como direutor de la Televisión de Galicia nesa época traxo como responsable a Xerardo Rodríguez. La compañía camudó'l so nome por Radio Autonómica Galega emplegando l'indicativu a radio nacional de Galicia.
El 15 de xunetu de 1987 Radio Galega inaugura la so segunda delegación territorial nel eidificiu El Moderno de Vigo.
El primer anunciu de la Radio Galega foi emitíu a les 10.30 de la mañana del 7 d'ochobre de 1990. Foi l'anunciu de Lotería La Favorita de La Coruña.
Emisión
[editar | editar la fonte]La Radio Galega ye la única emisora de Galicia con cobertura na totalidá del territoriu. Emite la so señal por satélite pa Europa (dende'l 24 d'avientu de 1998) y América (dende'l 22 de febreru de 1999).
Amás, Radio Galega foi la tercera emisora d'España y una de les primeres en toa Europa en poder sintise en direutu al traviés de la rede. Foi'l 20 d'agostu de 1996.
El 3 de marzu de 2004, entama les sos emisiones en FM, dixital, internet y TDT (Televisión Dixital Terrestre) Radio Galega Música.
Na segunda ola del EGM na temporada 2002-2003, Radio Galega asitiosa como la segunda emisora preferida polos gallegos, cuntado con una media de 142.000 oyentes.
Na actualidá cuenta con dos cadenes qu'emiten de forma convencional: Radio Galega, con una programación de calter xeneralista e íntegramente en llingua galega, y la radiofórmula musical Radio Galega Música. No que cinca a la emisión pola rede y TDT, amás de les cadenes enantes citaes, CRTVG produz dende'l 17 de mayu de 2004 Son Galicia Radio, centrada na emisión de música en gallegu.
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Radio Galega.
| Control d'autoridaes |
|
|---|
Datos: Q3124708- Multimedia: Radio Galega