3C 58

De Wikipedia
Saltar a navegación Saltar a la gueta
3C 58
3C 58
Imaxe en rayos X de 3C 58 llograda col Observatoriu de rayos X Chandra.
Constelación Cassiopeia
Ascensión reuta α 02h 05min 38s
Declinación δ +64º 49,7’
Distancia 10.000 años lluz
Magnitú visual +8,17
Magnitú absoluta +3,70
Tipu espectral F (Estrella de neutrones)
Periodu 0,066 s

3C 58 o 3C58 (SNR G130.7+03.1 / SN 1181 / 2Y 518)[1] designa a un púlsar y a la nebulosa sincrotrón circundante emplazaos dientro de la Vía Lláctea. Ta asitiáu a unos 10.000 años lluz en dirección a la constelación de Cassiopeia. 3C 58 posiblemente ye'l restu de la supernova SN 1181 reparada por astrónomos chinos y xaponeses en 1181. Sicasí, recién estudios señalen que la so edá puede ser de dellos miles d'años, polo que nun taría acomuñáu con esta supernova.[2]

Estudios fechos col Observatoriu de rayos X Chandra amuesen que'l púlsar central (PSR J0205+6449)[3] ye una estrella de neutrones en rápida rotación, arrodiada por un brillante toru emisor de rayos X. Un remexu de rayos X surde en dambes direcciones dende'l centru del toru, estendiéndose a lo llargo de dellos años lluz. El púlsar amuesa pulsaciones bien rápides cada 66 milisegundos en llonxitú d'onda de radio.[4]

Observaciones actuales evidencien que la superficie del púlsar esfrecióse, aportando a daqué inferior a 1.000.000 K. La superficie relativamente «fría» foi una sorpresa pa los astrofísicos, una y bones la teoría estándar prediz una superficie muncho más templada pa una edá de namái 830 años. L'enfriamientu d'un púlsar débese a los choques ente neutrones y otres partícules subatómiques nel so mestu interior; estos choques producen neutríns qu'estenen la enerxía a midida que escapen de la estrella. La escesiva velocidá d'enfriamientu de 3C 58 indica que la interaición ente neutrones y protones nun ye bien entendida nes condiciones estremes de los púlsares, o que s'atopa presente dalguna forma exótica de materia subatómico.[4] Nesti sentíu, propúnxose que 3C 58 puede nun ser una estrella de neutrones, sinón una estrella de quarks, estrella exótica na que, por cuenta de la alta densidá, la materia esiste en forma de quarks desconfinaos.

Referencies[editar | editar la fonte]