Área estadística micropolitana
L'área estadística micropolitana (Micropolitan Statistical Area, µSA) ye, conforme a la definición de la Oficina d'Alministración y Presupuestu (Office of Management and Budget, OMB) de los Estaos Xuníos, un área xeográfica d'esti país que conforma un mercáu llaboral centráu nún área urbana central con una población d'ente 10.000 y 50.000 habitantes[1]. Cuando'l nucleu urbanu central tien más de 50.000 habitantes nómase a l'área área estadística metropolitana. Creada en 2003, ye una entidá xeográfica, basada en condaos o en divisiones alministratives equivalentes a ellos[1], usada pa xeres estadístiques: la OMB define 547 árees micropolitanes nos Estaox Xuníos.
El términu micropolitanu entamó a usase davezu na década de 1990 pa describir a los nucleos de población d'Estaos Xuníos que medraben en población pese a tar alloñaos, a veces más de 160 km (100 milles) de les grandes ciudaes del país. Ye nidio que les ciudaes micropolitanes nun tienen la importancia política o económica de les grandes urbes, pero sicasí son centros económicos dinámicos, qu'atraen trabayadores y consumidores d'una amplia zona alredor d'elles. Como lo qu'estrema un área estadística metropolitana d'una micropolitana ye'l tamañu del so nucleu urbanu principal, y non la so población total, actualmente delles árees micropolitanes tán más poblaes que dalgunes de les metropolitanes.
Mapa[editar | editar la fonte]
_of_the_United_States_and_Puerto_Rico,_Mar_2020.png)
Referencies[editar | editar la fonte]
- ↑ 1,0 1,1 Boletín 10-02 de la Oficina d'Alministración y Presupuestu (1 d'avientu de 2009).