Diferencies ente revisiones de «Nebulosa variable de Hubble»
Artículu nuevu |
(Nun hai diferencies)
|
Revisión a fecha de 14:41 22 och 2015
 Nebulosa variable de Hubble[1] | ||
|---|---|---|
 | ||
| Datos d'observación: Dómina J2000.0 | ||
| Ascensión reuta | 6 h 39 m 10 s[1] | |
| Declinación | +8° 45′ [ 1 ] 8 ° 45 '[1] | |
| Distancia | 2,5 al | |
| Magnitú aparente (V) | 9.0 | |
| Tamañu aparente (V) | 2' | |
| Constelación |
Unicorniu  | |
| Carauterístiques físiques | ||
| Otres carauterístiques |
Catálogos: NGC, Caldwell | |
| Otres designaciones | NGC 2261, Caldwell 46 | |
| [editar datos en Wikidata] | ||
NGC 2261 (tamién conocida como la Nebulosa variable de Hubble o Caldwell 46) ye una nebulosa variable alcontrada na constelación del Unicorniu. Ye allumada pola estrella R Monocerotis, nesta mesma constelación, anque la estrella en sí nun ye directamente visible.
NGC 2261 foi fotografiada por Edwin Hubble nel Observatorio Palombar mientres l'estrenu del Telescopiu Hale el 26 de xineru de 1949,[2] 21 años dempués de qu'empezara'l proyectu del observatoriu (1928. Edwin Hubble yá había estudiáu antes la nebulosa nos observatorios de Yerkes y Monte Wilson.[2]
Pa los astrónomos aficionaos, la Nebulosa NGC 2261 ye un oxetu interesante por cuenta del so variabilidá. Una de les esplicaciones propuestes pa esa variabilidá ye que les trupes nubes de polvu cerca de R Mon dacuando bloquien el llume de la estrella.[3]
La estrella
R Monocerotis (R Mon / BD+08 1427 / PLX 1550)[1] ye una estrella que s'atopa aprosimao a 2.500 años lluz de distancia del Sistema Solar.
R Monocerotis ye una estrella masiva asitiada nel estremu sur de la nebulosa mista d'emisión y reflexón NGC 2261, conocida tamién como «Nebulosa Variable de Hubble». Ye una estrella T Tauri bien nueva — en procesu de formación —, con una edá que puede ser de namá 300.000 años. Ta arrodiada d'un discu de polvu que'l so tamañu ye similar al del Sistema Solar y que'l so rellumu camuda de forma irregular reflexando o volviendo radiar la enerxía proveniente de la estrella. Esti aníu toroidal qu'arrodia la estrella provoca un fluxu bipolar asimétricu del mesmu tipu que'l reparáu en oxetos Herbig-Haro. Amás, R Monocerotis ye una estrella variable que'l so rellumu varia ente magnitú +11,00 y +13,80.[4]
La estrella principal tien una compañera más pequena y invisible, probablemente de la mesma edá. La masa de la estrella principal pue tar en redol a 10 mases solares con un radiu d'un llargor que ye'l doble que la del radiu solar, ente que la masa de la estrella secundaria pue ser 1,5 vegaes mayor que la del Sol. La distancia ente dambes ye de 500 o.a.
Vease tamién
Referencies
- ↑ 1,0 1,1 1,2 «SIMBAD Astronomical Database». Results for NGC 2261. Consultáu'l 11 d'abril de 2007.
- ↑ 2,0 2,1 http://365daysofastronomy.org/2009/01/26/january-26-60th-anniversary-of-hale-telescope-first-light/
- ↑ «A model for the cometary nebula NGC 2261». SAO/NASA ADS Astronomy Abstract Service. Consultáu'l 28 de payares de 2010.