Xuventú Franciscana

De Uiquipedia
Saltar a: navegación, buscar

La Xuventú Franciscana o XuFra ye una fraternidá de xóvenes que tan llamaos pol Espíritu Santu a facer forma de vida l'Evanxeliu del Nuesu Señor Xesucristu, embaxo la lluz y guía de San Francisco D'Asís, dientro del ámbitu de la Orde Franciscana Seglar.

Organización[editar | editar la fonte]

Ana Fruk, ñacida en Portugal, ye anguaño Conseyera de la Presidencia y Coordinadora Internacional de XuFra.

Miembros[editar | editar la fonte]

Formen la XuFra tolos xóvenes ente 15 y 30 años que viven y trabayen nel mundiu, nuna vida seglar, y son llamaos pol Espíritu Santu pa facer la esperiencia de vida al mou de San Francisco d'Asís y la so espiritualidá, que faen en fraternidá una esperiencia de vida cristiana. Afonden na so vocación cola compaña de la Familia Franciscana, seya colos relixosos (OFM, OFM Conv, OFM Cap o tros relixosos de la Tercera Orde) o los seglares OFS.

Los miembros pertenecen a la Ilesia Católica y tienen un compromisu de trabayu activu dientru la mesma.

Formación y actividaes de los miembros[editar | editar la fonte]

La XuFra dependiendo del so carisma y el llugar de les sos actividaes, tienen reuniones periódiques xeneralmente d'al menos una reunión selmanal oficial, pero pue tener apostoláu n'otros díes determinaos, los xóvenes puen ser tamién misioneros y acompañar a los frailes o a les relixoses nes diferentes actividaes.

Les actividaes principales son les que van darréu:

  • Misiones
  • Coru xuvenil.
  • Catecismu.
  • Llabores humanitaries y d'apoyu social.
  • Participación n'ONGs.

El Gobiernu de XuFra tien que tar formáu por:

  1. Un líder o responsable, animador y coordinador.
  2. Un coanimador, vicecoordinador.
  3. Un formador o formadora.
  4. Un representante de la OFS ente la XuFra.
  5. Un fraile menor o hermana clarisa d'apoyu en formación, asesor Relixosu o asistente espiritual.
  6. Un asesor laicu.
  7. Dos observadores.
  8. Un tesoreru.
  9. Miembros comprometíos.

Estos servicios de gobiernu puen variar en denominación y composición d'alcuerdu al país.

Mentantu la formación, qu'ocurre selmanalmente, los miembros estudien la Biblia, los escritos de San Francisco d'Asis, el catecismu y la espiritualidá franciscana'n xeneral. Espoxiguen la so formación humana, cristiana y franciscana.

Miembros activos[editar | editar la fonte]

Los miembros comprometíos deben haber permanecío na XuFra polo menos un añu y al cabu d'esti añu puen facer una promesa de vivir conforme l'Evanxeliu guíaos pola espiritualidá franciscana, n'esti momentu reciben la so Tau y entamen la so trayectoria como miembros comprometíos.

Ceremonia d'aniciu[editar | editar la fonte]

El ritu de la promesa desendólcase durante la celebración de la misa. Cellébrase la misa correspuendente del díi, o si lu permiten les rúbriques, la Votiva de San Francisco d'Asís u otra apropiada. Preferentemente'l 3 o 4 d'Ochobre, na festividá de San Francisco.

Si nun ye posible cellebrar la misa, realízase'l ritu dientru d'una Lliturxia de la Pallabra. Si paez oportunu se pue facer con una llectura del Evanxeliu y una llectura Franciscana.