Wolof
L'idioma wolof ye una llingua falada en Senegal, Gambia y Mauritania y ye la llingua nativa de la etnia wolof. Fálenla tres millones de persones.
Distribución xeográfica [editar]
Alrodiu del 40% (unos 3.2 millones de persones) de la población de Senegal fala wolof como llingua materna. Otru 40% tienla como segunda llingua. En toda la rexón ente Dakar y Saint-Louis, y tamién al oeste y sudoeste de Kaolack, la mayor parte de la población fala wolof. En Casamance y nel oeste de Senegal, emplégase enxunto col mandinka y el diola. L'idioma oficial de Senegal ye'l francés.
En Gambia'l 15% de la población (unes 200.000 persones) tien el wolof como llingua materna, pero esta llingua tien una influyencia asgaya mayor pola so importancia na capital, Banxul, ú'l 50% de la población lu emplega como la so primera llingua. En Serrekunda, la ciudá más grande de Gambia, hai unes poques persones d'etnia wolof, pero l'idioma ye faláu por alrodiu del 90% de la población. Cada vegada más, la mocedá d'otru orixe étnicu emplégala como primera llingua.
En Mauritania, alrodiu d'un 7% (unes 185.000 persones) de la población fala wolof. Nesti país, l'idioma úsase solo nes rexones costeres del sur. L'idioma oficial de Mauritania ye l'árabe; el francés fai de lingua franca.
