Villanueva de los Castillejos

Villanueva de los Castillejos
Alministración
País	España
Autonomía	Andalucía
Provincia	Provincia de Huelva
Tipu d'entidá	conceyu d'España
Alcalde de Villanueva de los Castillejos	Fernando Gomez Martin
Nome oficial	Villanueva de los Castillejos (es)
Códigu postal	21540
Xeografía
Coordenaes	37°29′57″N 7°16′21″W / 37.4992°N 7.2725°O
	Villanueva de los Castillejos Villanueva de los Castillejos (España)
Superficie	264 km²
Altitú	224 m
Llenda con	Alosno, Gibraleón, San Bartolomé de la Torre, Cartaya, Sanlúcar de Guadiana, El Granado y El Almendro
Demografía
Población	2953 hab. (2023); - 1411 homes (2019); - 1409 muyeres (2019)
Porcentaxe	0% de Provincia de Huelva; 0% de Andalucía; 0.01% de España
Densidá	11,19 hab/km²
Más información
Estaya horaria	UTC+01:00

Villanueva de los Castillejos ye un conceyu español de la provincia d'Huelva, Andalucía. Nel añu 2015 cuntaba con 2.747 habitantes según los datos oficiales del INE. La so estensión superficial ye de 264 km² y tien una densidá de 10,40 hab/km². Los sos coordenaes xeográfiques son 37º 30' N, 7º 16' O. Asítiase a una altitú de 224 metros y a 43 quilómetros de la capital de provincia, Huelva. El principal impulsor económicu de la llocalidá siempres foi l'agricultura, tantu polos monocultivos industriales de cítricos y plantíos de freses, como pola reforestación de les finques incluyíes nel términu, anque tamién caben destacar les industries cárnicas y les empreses particulares que realmente constitúin el verdaderu motor a día de güei, destacando l'altu nivel entamador de los habitantes del conceyu, una virtú que paez heredada de los sos antepasaos, que tuvieron fábriques de distinta índole: farina, botones, sombreros, y una gran cantidá de fragües les cualos realizaben focetes qu'esportaben a tol territoriu nacional.

Demografía[editar | editar la fonte]

Atópase allegante al cascu urbanu d'El Almendro y xuntos en 2011 cuntaben con una población de 3.560 habitantes, 2.690 per parte de la llocalidá de Villanueva de los Castillejos y 870 d'El Almendro, lo que los convertiríen na segunda agrupación urbana más poblada del Andévalo, siendo mayor namái Valverde del Camino, yá que anque Alosno y Calañas tienen más habitantes nos sos conceyos, la población ta partida en distintes entidaes de población y nun algamar nel so nucleu principal los 3.000 habitantes. El conxuntu de Villanueva de los Castillejos y El Almendro representaríen el 10% de la población del Andévalo. Evolución de la población esistente nel conceyu de Villanueva de los Castillejos:

Evolución demográfica de Villanueva de los Castillejos
1842	1877	1887	1897	1900	1910	1920	1930	1940	2010	2015
2,996	2,978	2,732	2,660	2,529	2,554	2,803	3,329	4,063	2,790	2,747
(Fonte: INE [Consultar])

Monumentos[editar | editar la fonte]

Ente los principales monumentos de la llocalidá destaquen:

Ilesia, datada ente los sieglos XVIII y XX.
Antiguu Conceyu. Sieglu XVIII.
Casa de la Muyer, antiguos colexos de la cai Lepe. Sieglu XIX.
Molín de vientu Zahurdón. Sieglu XVIII.
Corrolada del Conceyu. Sieglu XVIII.
Pilar romanu de la Majadilla.

Persones destacaes[editar | editar la fonte]

Ernesto Feria Jaldón foi un médicu rural que nació y morrió en Castillejos, y destacó pola so obra ensayística la cual centrábase nel ámbitu creativu del pensamientu. Tamién escribió un llibru de poesía: "Cuando nun queda nada", y dexó dellos rellatos y poemes que se fueron publicando tres la so muerte.^{[ensin referencies]}
Santiago Auserón Marruedo, tamién conocíu como Juan Perru. Cantante y compositor español, foi compositor y vocalista del grupu musical Radio Futura. Anque nació en Zaragoza, pasó parte de la so infancia y adolescencia en Villanueva de los Castillejos debíu al trabayu del so padre, que lo destinaron a trabayar na obra d'una canal en dicha zona.^{[ensin referencies]}
Carolina Marín.
Emilio Martín.

Gastronomía[editar | editar la fonte]

Pola so situación nel Andévalo, cabo destacar los productos derivaos del gochu ibéricu, con una feria agroganadera que se celebra a principios d'avientu^{[ensin referencies]} na cual el gochu ye l'actor principal, y la repostería local, con recetes que se caltuvieron invariables mientres sieglos, con dulces como'l piononu, los tacones, les milhojas de merengue y crema pastelera o dulce de sidra, los piñonates, los aplastaíllos, los coscaranes, y dientro de les panificadoras, atopamos el pan serrano; les populares vienas de picu; el mollete; el bartolillu; y les bolachas, galletes de gran tamañu.

Referencies[editar | editar la fonte]

↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

Enllaces esternos[editar | editar la fonte]

Villanueva de los Castillejos - Sistema d'Información Multiterritorial d'Andalucía *Patrimoniu cultural de Villanueva de los Castillejos na Guía Dixital del Patrimoniu Cultural d'Andalucía. Institutu Andaluz del Patrimoniu Históricu

[4aa567f4760d292d0ff63887ec8a7625a1eb7407-1] Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

[1]