V (Serie de TV)

De Uiquipedia
Saltar a: navegación, buscar

V Invasión Extraterrestre ye una serie de televisión de ciencia ficción emitida entre 1983 y 1985, producida nos Estaos Xuníos pola NBC, escrita y dirixida por Kenneth Johnson. Ente los componentes del repartu destaquen Jane Badler (Diana), Marc Singer (Mike Donovan), Faye Grant (Julie Parrish), Frank Ashmore (Martin/Phillip), Michael Ironside (Ham Tyler), Michael Durrell (Robert Maxwell), Jenny Sullivan (Kristine Walsh), Richard Herd (John), Peter Nelson (Brian), David Packer (Daniel Bernstein), Blair Tefkin (Robin Maxwell), Diane Civita (Harmony), Robert Englund (Willy), Michael Wright (Elias Taylor) y Leonardo Cimino (Abraham Bernstein).

Argumentu[editar | editar la fonte]

L'argumentu de la serie orixinal entama con un planeta enteru emocionáu cola llegada d´enormes naves espaciales a les principales ciudaes del mundu. Los visitantes tienen apariencia humana y paez que vienen d'un xeitu amistosu y pacíficu, dicen que necesiten sofitu pa llograr solucionar los problemes medioambientales del so planeta y a cambiu ufren avances tecnolóxicos y la vacuna contra'l cáncer. Los gobiernos del mundu acepten y los estraterrestres algamen poder ya influencia, pero entamen a pasar coses rares como qu'importantes científicos del mundu vuélvense zurdos cuando tola vida foron diestros. Aquellos qu’investigan esta situación desapaecen ensin dexar rastru.

El periodista Michael Donovan consigue entrar nuna nave madre de los Visitantes y descubre que baxo’l so antroxu d’humanos, los estraterrestres son reptiles carnívoros, que xinten royedores, aves y tarántules. Cuando Donovan intenta denuncialo en televisión, la tresmisión ye bloquiada y Donovan conviértese nun fugáu que tien qu’escapar de la policía y los Visitantes.

Conforme la serie avanza, revélense les verdaderes intenciones de los Visitantes: robar tol agua de la Tierra y collechar la humanidá como fonte d’alimentu, dexando namás unos pocos como esclavos y soldaos/carne de cañón pa les guerres que los visitantes tienen con otres races estraterrestres.

Capítulos[editar | editar la fonte]

1ª temporada

1. V: La Miniserie Orixinal (Parte 1)

2. V: La Miniserie Orixinal (Parte 2)

3. V: La Batalla Final (Parte 1)

4. V: La Batalla Final (Parte 2)

5. V: La Batalla Final (Parte 3)

2ª temporada

1. El día de la lliberación (Liberation Day)

2. Los Visitantes contrataquen (Dreadnought)

3. Frayamientu (Breakout)

4. L’Engañu (The Deception)

5. Klaus, l’esterminador (The Sanction)

6. La elección del Visitante (Visitor’s Choice)

7. El señor (The Overlord)

8. El Disidente (The Dissident)

9. Reflexón de llerza (Reflections in Terror)

10. La conversión (The Conversion)

11. L’héroe (The Hero)

12. La traición (The Betrayal)

13. El rescate (The Rescue)

14. El campeón (The Champion)

15. Gatos salvaxes (The Wildcats)

16. El pequeñu cuélebre (The Littlest Dragon)

17. Guerra d’ilusiones (War of Illusion)

18. Secretu Soxacente (Secret Underground)

19. El regresu (The Return)

Influencies[editar | editar la fonte]

El creador de la serie, Kenneth Johnson, reveló que la serie foi concebida orixinalmente como un programa rellacionada col ascensu al poder d´un rexime nazi nos EEXX, pero l´ésitu de “Star Wars” fizo que la NBC quixera esplotar el xéneru y Johnson camudó´l guión pa incluyir extraterrestres. L'emblema de los visitantes ye asemeyáu a esvástica nazi y el personaxe de Diana podría ser el real Dr. Josef Rudolf Mengele, conocíu polos sos experimentos con seres humanos en Auschwitz.

Los visitantes que sofiten a La Resistencia autonómense "La Quinta Columna", que ye'l nome qu'usó'l xeneral español Emilio Mola nuna locución radiada en 1936, onde falaba del avance de les tropes sobre Madrid, cuatro baxo la so orde y una "quinta columna" que dientro de Madrid trabayaba clandestinamente pola victoria franquista.


V (2009)[editar | editar la fonte]

La cadena de televisión, ABC, estrenó el 3 de payares de 2009 la nueva versión. Esta nueva versión ye'l remake de la mítica serie adaptada al nuesu tiempu, moda y vivencies. Asina, mientres na orixinal había una metafora d'un rexime nazi nos caberos tiempos de la Guerra Fría, la versión d'anguaño asitíase nun mundu globalizáu con problemes de terrorismu internacional. Los cuatro primeros episodios de V emitiéronse en payares de 2009 y el restu a partir del 30 de marzu de 2010, tres los Xuegos Olímpicos d’Iviernu. N'Asturies emitióla TPA con doblaxe al castellanu.

Argumentu[editar | editar la fonte]

Xigantesques naves espaciales apaecen sobro les mayores ciudaes del mundu y Anna, la bella y carismática líder de los Visitantes estraterrestres, proclama que vienen en son de paz. Mientres un pequeñu númberu d’humanos entama a duldar de la sinceridá de los aparentemente benevolentes Visitantes. L’aXente Erica Evans de la unidá antiterrorista del FBI descubre que los estraterrestres tuvieron, demientres años, infiltrándose nos gobiernos y empreses y agora tán na última etapa del so plan p’apoderase del planeta.

Erica súmase al movimientu de resistencia, ente los que s’alcuentra Ryan, un axente dormíu Visitante que quier salvar la humanidá. Sicasí, los estraterrestres ganáronse’l favor de los habitantes de la Tierra al fornir cura pa una gran variedá d’enfermedaes.