Umberto Eco

De Uiquipedia
Saltar a: navegación, buscar
Umberto Eco

Umberto Eco (Alessandria, Piamonte, Italia, 5 de xineru de 1932) ye un escritor, semióticu y filósofu italianu, famosu mesmu poles sos obres de ficción (destaca sobro too nel campu de la novela) como polos sos trataos de semiótica.

Biografía[editar | editar la fonte]

Nacíu el 5 de xineru de 1932 de la población d'Alessandria d'una familia que teníen 13 fíos, estudió filosofía y Lletres na Universidá de Turín, u se doutoró. Tien trabayáu de profesor en desemeyaos prestixiosos centros y dende l'añu 1971 ocupa la cátedra de semiótica na Universidá de Bolonia. El reconocimientu del mundiu de la educación superior fai que sea doutor honoris causa d'una treintena d'instituciones.

Foi denomáu sátrapa de la patafísica poles sos obres humorístiques, ente les que destaca Como viayar con un canguru, y por tener perfeccionao una de les sos rames, la cacopedia.

Otres distinciones trayeronlu a ser miembru del Conseyu de Sabios de l'UNESCO. Recibió nel añu 2000 el Premiu Príncipe d'Asturies de Comunicación y Humanidaes.

Tien trabayao tamién nos medios de comunicación como difusor cultural. Les sos pasiones se centren na Edá Media, les llingues y los clásicos. Curiosamente, ye tamién un expertu en James Bond.

Obres más famoses[editar | editar la fonte]

Noveles[editar | editar la fonte]

  • Il nome della rosa (El nome de la rosa, 1980) - Novela histórica que foi adaptada pal cine y se convirtió nún supervendes. Mezcla los elementos d'intriga cola erudición medieval y acerca esta época al presente.
  • Il pendolo di Foucault (El péndulu de Foucault, 1988) - Obra que muestra cono tres trabayadores d'una editorial se atrapen na so propia ficción.
  • L'isola del giorno prima (La islla del día enantes, 1994) - Un noble del sieglu XVII se trova atrapáu nún yate n'ún husu horariu y reflexiona sobro'l pasu del tiempu.
  • Baudolino (2000) - Novela qu'explica les aventures d'un xove campesinu adoptáu por un emperador, estructurada de manera parecía a la novela picaresca.
  • La Misteriosa Fiamma della Regina Loana (La misteriosa llama de la Reina Loana, 2004) - Un ome que pierde la so memoria intenta recuperarla, recreando los tiempos de xuventú del propiu autor.

Obres assaxístiques[editar | editar la fonte]

  • Opera Aperta
  • Diariu mínimu
  • Kant y l'ornitorrincu
  • Semiótica y filosofía del llinguaxe
  • Lo firmu
  • Arte y belleza na estética medieval
  • Los límites de la interpretación
  • Seis paseaes polos bosques narrativos
  • Lector in fabula
  • Apocalíptics e integraos
  • Sobro Literatura
  • Buscando la llingua perfeuta
  • Historia de la belleza
  • Historia de la fierura

Enllaces esternos[editar | editar la fonte]

Umberto Eco
Wikimedia Commons tien archivos rellacionaos con: