Uiquipedia:Fusionar artículos

De Uiquipedia
Saltar a: navegación, buscar

Pola cosa de que Wikipedia ye obra d'abondosos collaboradores que trabayen ensin coordinación previa, hai vegaes que dos o más artículos cinquen el mesmu tema, y d'esta miente faise necesario amiestar el testu d'ellos nún solu. Pue dase'l casu de que los artículos fueran creaos con dos nomes distintos que se refieren al mesmu oxetu, que dalgún d'ellos trate d'un detalle o subseición d'un artículu más ampliu, o que cinquen temes íntimamente rellacionaos que puean quedar meyor en conxuntu. Esta páxina indica los pasos qu'hai que siguir pa realizar esti procesu de la forma más ordenada posible.

Cómo indicar duplicaos[editar | editar la fonte]

Si atopes dos artículos que cinque el mesmu tema, pues señalalo amestando al entamu del artículu la plantía {{fusionar}} y el nome del artículu de destín, de la siguiente manera:

{{fusionar | artículu_de_destín}}

Fai lo mesmo col otru artículu o artículos. D'esti mou, cualesquier editor que los visite sabrá qu'esiste información duplicada y que ye necesario facer xuntanza d'ella nun únicu artículu. Amá, les páxines apaecen llistaes na Categoría:Wikipedia:Fusionar pa facilitar el trabayu de los collaboradores que se quieran dedicar a esta mena de llabores.

El mesmu procedimientu ye afayadizu pa cuando un artículu se comprendería meyor siendo incorporáu a otru, como por exemplu un artículu tocante a un personax de ficción na obra de la que forma parte.

Cómo fusionar[editar | editar la fonte]

Si quies facer la fusión tu mesmu, sigui los siguiente pasos:

  • Escueyi cuálu ye l'artículu col nome más afechiscu a les convenciones de títulos. Si te paez qu'hai otru más afayadizu que cualesquiera de los esistentes, lo meyor sedría camuda-y el nome primero a ún de los artículos.
  • Copia tol conteníu importante al artículu escoyíu, eliminando la información redundante.
  • Comprueba si hai dalguna páxina de redireición apuntando al artículu antiguu, y corríxila pa qu'apunte al nuevu nome (les redireiciones a un artículu que yá ye una redireición nun furrulen).
  • La fusión de los historiales ha facela un alministrador, yá qu'implica borrar y restaurar páxines, polo que resulta conveniente qu'avises a dalgún d'ellos.

Cómo evitar duplicaos[editar | editar la fonte]

La meyor manera d'evitar esti problema ye asegurase de tomar les precauciones necesaries enantes de crear un artículu. Los pasos siguientes puen aidar a atopar artículos tocantes al mesmu tema enantes de duplicar esfuercios repitiendo información:

  • Busca artículos con esi nome o otros asemeyaos enantes de crear un artículu nuevu. Pues emplegar les categoríes o revisar los enllaces n'artículos de temes afines p'asegurate de que tovía nun esista otru artículu que cinque esi tema.
  • Crea redireiciones para tolos sinónimos del títulu, de manera que'l que lu busque por nomes alternativos llegue al sitiu correctu.
  • Asegúrate de tar emplegando la ortografía normativa correcta. Si tienes problemes pa introducir los acentos, Google déxate faces busques inorando estos.