Torbe

De Uiquipedia
Saltar a: navegación, buscar
Torbe.

Natxo Allende, (Getxo, País Vascu, 1969) más conocíu col nomatu Torbe, ye un actor y direutor de cine pornográficu cómicu, magar que la so trayeutoria nel mundu l'espectáculu entamola dende los circuitos musicales y culturales underground de la ciudá vasca de Bilbao nos anicios de la década de 1990.

En 1994 entamó y dirixó la revista sobre cómic La Comictiva, y que tuviera nel mercáu demientres siete años.

Xunta'l so llabor como historietista, Torbe (más conocíu daquella como Natxo Allende), desendolcó la so faza cómica nel grupu musical Miles de Albañiles, qu'algamara dende la so fundación en 1996 cierta popularidá en círculos alternativos, y au entamó a conocése-y como Torbellino.

En 1996 entama la so presencia n'internet con una web personal que, col tiempu, tresformóse nel portal cómicu y pornográficu Puta Locura.

Torbe desendolca dende'l so portal n'internet un estilu propiu del porno que-y tien apurrío la reconocencia en dellos certámenes especializaos como personax revelación del xéneru.

Magar que la xera de mayor bayura desenvuélvela n'internet, Torbe tien participao en dellos programes de televisión y películes cómiques convencionales como Torrente 2: Misión en Marbella (2001) y Torrente 3: El Protector (2005), dambes del direutor Santiago Segura.

N'ochobre del 2006 foi deteníu pola policía cola acusación d'utilizar a una menor d'edá nes sos películes pornográfiques y foi puestu en llibertá con cargos pol xuez d'un presuntu delitu de corrupción de menores.

Enllaces esternos[editar | editar la fonte]

  • PutaLocura, web oficial de Torbe (ALVERTENCIA:Web pa mayores de 18 años)
  • El Mundo, Deteníu'l gran rei del pornu 'freak'