Sicoanálisis

De Uiquipedia
Saltar a: navegación, buscar

El Sicoanálisis ye una teoría sicolóxica y métodu terapéuticu fundaos al entamu del sieglu xx pol siquiatra vienés Sigmund Freud, basáu na hipótesis inicial de la esistencia de procesos nomaos "inconscientes" (qu`escapen a la percepción consciente o a la introspección), de los que se tien conocimientu per aciu d'una interpretación de fenómenos sicolóxicos anormales (actos fallidos, "lapsus linguae", suaños, chistes...), o faciendo usu del procedimientu de "llibre asociación".

La efectividá del tratamientu sicoanáliticu básase nel fenómenu nomáu "tresferencia", o rellación emocional que s'establez ente sicoanalista y paciente y qu`el primeru remana pa influyir terapéuticamente nel segundu. El sicoanálisis tevo una gran influyencia na lliteratura, nel cine y nel arte en xeneral. Dalgunos de los discípulos de Freud (de los que los más destacaos foron C.G.Jung Y A.Adler) dixebráronse del movimientu inicial, fundando les sos propies escueles.