San Xuan (llugar de Grau)

Amestar enllaces
De Wikipedia
San Xuan
Alministración
País España
Autonomía Principáu d'Asturies
Provincia provincia d'Asturies
Conceyu Grau
Parroquia San Xuan
Partíu xudicial Grau
Tipu d'entidá llugar
Nome oficial San Xuan (ast)[1]
Más información
Estaya horaria UTC+01:00
Cambiar los datos en Wikidata

San Xuan[2] ye un llugar[3] de la parroquia del mesmu nome nel conceyu asturianu de Grau.

Xeografía[editar | editar la fonte]

Alcuéntrase a 5 km[3] de Grau, la capital del conceyu, a un altor mediu de 230 msnm[4] y tien una población de .

Allúgase nun requexu de media lladera, empobináu al sur, a un altor de 230 metros. Llenda al norte col picu La Forca, al este con Rozadas, al oeste con La Llinar y al sur con La Llamiella y Acebéu.

Patrimoniu[editar | editar la fonte]

Nel pueblu alcuéntrase la ilesia parroquial, que foi antiguu monesteriu y abellugu de pelegrinos de los Caballeros de Malta, nel Camín de Santiago, nella destaca la talla de la Virxe de Loreto (sieglu XVII) de bon movimientu y espresivos güeyos. Güei, l'alberge de pelegrinos ye lo que yera l'antigua escuela.

Hai ocho horros y tres paneres, delles caleyes xuben al picu La Forca y la Sierra, comunicando esta con Cabruñana y El Freisnu, mientres qu'otra baxa a La Llamiella y Rozadas. Nel campu destaca una fonte de piedra, de frente arquitectónicu, que'l so cuerpu cuadrangular ta enmarcáu por una moldura y rematáu por un senciellu frontón triangular. La fonte presenta fábrica de sillería bien cuadrada y dispón d'un únicu cañu y un pequeñu pilón de piedra, qu'abastecía a tol pueblu. Ye una fonte na que davezu beben pelegrinos que pasien pela ruta xacobea, el camín primitivu.

Al oeste del pueblu, nel nucleu llamáu El Valle, atópase una necrópolis tumular, conxuntu formáu por trés estructures, güei parcialmente esfarrapada. Al norte asítiase'l picu La Forca de 409 metros d'altitú.

Nel campu la Ilesia, l'últimu domingu d'agostu, celébrase la tradicional fiesta, con actu relixosu, misa y procesión; la romería foi treslladada a un prau de la Venta del Cuernu. Pelos años 50 el 24 de xunu celebrábase la fiesta de San Antonio, gaita, procesión y voladores.

Nel añu 1951 rodóse en San Xuan parte de la película Bajo el cielo de Asturias, dirixida por Gonzalo Delgrás, onde dellos vecinos participaron como estres.[5]

Ver tamién[editar | editar la fonte]

  • Pa ver otros sitios col mesmu nome: San Xuan

Referencies[editar | editar la fonte]

  1. ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 14 marzu 2023.
  2. ↑ «Espediente colos topónimos oficiales de Grau». BOPA.
  3. ↑ 3,0 3,1 «SADEI: Noménclator d'entidaes del Principáu d'Asturies» (en castellanu).
  4. ↑ (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
  5. ↑ «San Juan».

Enllaces esternos[editar | editar la fonte]

Sacáu de «https://ast.wikipedia.org/w/index.php?title=San_Xuan_(llugar_de_Grau)&oldid=4149712»