Samartín de Lluiña

Samartín de Lluiña (San Martín de Luiña en castellanu) ye una parroquia del conceyu asturianu de Cuideiru. Ocupa la zona central del conceyu y ye, colos sos 40,15 km² d'estensión, la más grande. Entá lo foi más, pues a ella pertenecíen n'otres dómines les tierres qu'anguaño son de les parroquies de Soutu Lluiña, Nuviana y Ouviñana. Tien una población de 987 habitantes (INE, 2007), que se reparten ente los siguientes pueblos: La Escalada (que ye onde ta la ilesia de Samartín, declarada BIC en 1999), Arbichera, Argatón, Artéu, La Bordinga, Brañaseca, Busfríu, Castañéu, El Cepéu, Cipieḷḷu, Esqueiru, Folgueirúa, Gallineiru, Los Gachuelos, Llamuñu, Ḷḷendepín, La Madalena, La Puerca, La Rondieḷḷa, Salamir, San Cosme, Teixidieḷḷu y Veiciella.