Samain
De Uiquipedia
Samain o Samhain (Ello quier dicir "fin del branu") ye una festividá d'orixe celta cellebrada la primera nueche del añu nuevu celta. Demientres los tres dies que duraba la cellebración los vivos podríen entrar en contautu colos muertos. Nesti primer día de payares, Dagda xuniase con Morrigan señora de los pantasmes, esta diosa dá-y a Dagda les indicaciones necesaries pa poder vencer a los Formoré.
[editar] Samain n'Asturies
Muncha xente conoz esta fiesta pol nome del "Halloween" anglosaxón, y les calabaces afuracaes que nun son más que los restos de la cultura celta que pervivió nos pueblos del arcu atlánticu y que yá n'Asturies yeren colocaes nos güertos y cruces de camín dende va sieglos. L'obispu Guevara nel sieglu XVIII faise ecu de les xintes mortuories o conmemoratives en honor al difuntu que se realizaben dientru l'ilesia demientres l'intierru. Esto nun ye más que otra reminiscencia de los banquetes funerarios ofrecios polos paganos indoeuropeos. Siendu prohibida esta costume por Alfonso X "El sabiu", na creencia de que los muertos participaben na xinta pervivió n'Asturies pesie a los intentos por erradicala, tresformandose nel nomáu pan de les animes que yera cociu y repatiu ente los asistentes al funeral, dandose más tarde a los probes del pueblu nuna versión cristianizada y que güei nun ye más que una ofrenda floral y llimpieza de les sepultures nel Día de Tolos Santos.
