Revolución Francesa

La Revolución Francesa ye'l entamu de la Historia Contemporánea. Esti fechu qu'asocedio en Francia tien repercusiones en tol mundu y ye una fecha cimera pa la Historia y pa munches Ciencies Sociales.

Discutiniu historicu y factores de la Revolución

Nun hai apautáu nada ente los historiadores que anguaño siguin l'alderique si foi un fechu inevitable o si pola escontra foi una conxunción de factores que xugaron en pro de los intereses d'una clas social, la burguesía.

Tamién hai un discutiniu perfuerte sobro'l papel de les vanguardies y les minoríes socatreres de les mases, que dalgunos creen que nun guetaben camudamientos tan estremos.

Ente los factores oxetivos señalaos pal desendolque d'esti procesu revolucionariu: la crisis de la sobrevivencia, males colleches y fame; tamién marcó munchu'l cursu de la revolución el mieu de los ciudadanos y la guerra na que Francia lluchaba escontra Prusia y a la radicalización del procesu el baltiu de la revolución escontra la relixón.

Tamién se tien señalao como factores pero estos anguaño nun tan apautaos xeneralmente y por ende tendrémoslos como soxetivos; nos qu'alcontramos la mala xestión del rei de Francia, Lluis XVI y que los reis europeos tarrecieron del españíu revolucionariu y en 1792 declararon-y la guerra a Francia.

Causes de la Revolución

Fases de la Revolución

Revolución de los Privilexaos

La Revolución entamó pola clas privilexada, que tarrecía perder los sos privilexos ante'l temor de que se-yos impusieren impuestos, polo que a la convocatoria de Lluis XVI en 1787 d'una Asamblea de Notables éstos retruquen-y pidiendo la covocatoria d'Estaos Xenerales y el rei vese obligáu a defenestrar al so ministru de Facienda.

Por ello en 1788 convoquense los Estaos Xenerales y nesto produzse un gran alderique alrodiu de la forma de votu que col apoyu de Nobleza y Cleru la Burguesía algama el votu por representante y non por estamentu como hasta agora y nesti puntu ye cuandu pas la soberania del Rei a la Nación.

Revolución Lliberal

El 20 de xunu'l tercer estáu, atopa los estaos xenerales pesllaos y creyendo que quien finar con ellos, los representantes del tercer estau con una migaya de representantes de la nobleza y el cleru colan pal Xuegu la Pelota onde xuraran nun dixebrase hasta apurrir a Francia una Constitución y asina tornanse nuna Asamblea Constituyente. El rei, ablucáu ante l'axitación social, pierde los papelos, y aunque sofitará a l'Asamblea, esti procesu finará baltiándose en escontra d'elli colos socesos de la Toma la Bastilla el 14 de xunetu de 1789.

L'españiu revolucionariu siguirá durante xunetu y agostu que finará cola proclamación el 26 d'agostu de 1789 de la Declaración de los Derechos del Home y del Ciudadanu, qu'aunque nun torga l'esclavitú y nun hai derechos sociales ye un símbolu porque establez una llei penriba de toos de calter universal.

En setiembre medra la tensión, la corte cola pa París pola inseguridá de Versalles y nesti momentu ye cuando se funden los clubs (xérmenes de lo que güei entendemos por partíos políticos). El gobiernu decide nacionalizar los bienes de la Ilesia, el Rei y los fuxíos.

Entos finen la primer Constitución d'Europa qu'establez un réxime lliberal, sustentáu nel principiu de soberanía nacional y qu'intenta finar col centralismu borbónicu dixebrando Francia en 83 partes. Esta constitución dixebra a los ciudadanos ente los activos, elixendo y pudiéndose presentase, y los ciudadanos pasivos que nun tienen drechos políticos, según el nivel de renta. La Constitución va acompañada de una llexislación lliberal que beneficia a les clases medies: véndense los bienes de la Ilesia, la torga de los gremios y dempués tres d'unes griesques llaborales tórgase tamién los sindicatos.

La llexislación tamién ataca al cleru cola peslla de conventos y l'atribución de nomar cargos de la Ilesia al estáu lo que'l Papa Pio VI refugó dende'l empecipiu.

La Contitución apruébase'l día 1 d'ochobre de 1791. Polo tanto l'Asamblea hasta agora constituyente tornase llexislativa namás, aunque tendrá que demostrar tar al altor de les circunstancies, pues habrá d'enfrentase a una abegosa situación internacional. Munchos países absolutistes plantegaron la guerra escontra Francia y en Francia mesmu aniciase l'idega de entrar en guerra, cosa que a la fin asocede y en 1792 declárase la guerra a Austria.

La Revolución Democrática

A partir d'agora enmpecipiase una etapa de gran inestabilidá política y medra l'inflación entainada pola guerra.

El rei ye presu al intentar fuxir y nesti momentu produzse l'Asalto a les Tugeries, Palaciu rial, que ye xuzgáu y axusticiáu a la guillotina.

Referencies

Enllaces esternos