RENFE

De Uiquipedia
Saltar a: navegación, buscar
Tren de la serie 101 ofreciendo el serviciu "Euromed" de grandes linies a su pasu por Benicarló-Peñíscola
Tren de la serie 104 ofreciendo un serviciu "Avant" de Alta Velocidad de Media Distancia en Madrid-Puerta de Atocha
Tren "Civia" prestando un servicio de Cercanías

La Red Nacional de los Ferrocarriles Españoles (RENFE) ye un organismu paraestatal español de tresporte ferroviariu existente como tal ente 1941 y 2004. En 2005 dividiose n'ADIF, ente gestor de les infraestructures ferroviaries españoles, y Renfe Operadora, compañía que se quedó cola esplotación de los ferrocarriles.

Foi fundada'l 24 de xineru de 1941 a raíz de la nacionalización de diverses compañíes ferroviaries españolas, ente les que destacaben la Compañía de los Caminos de Hierro del Norte de España (18581941), la Compañía de los Ferrocarriles de Madrid a Zaragoza y Alicante, M.Z.A, (18561941) y la Compañía del Oeste y la Ferrocarriles Andaluces, ya baxo tutela estatal, dende 1928 y 1936, respectivamente.

L'oxetu de la creación de RENFE foi rehabilitar la rede ferroviaria española, gravemente dañada como consecuencia de la Guerra Civil, ante la situación de quiebra económica de les empreses ferroviaries qu'hasta entós habíen explotao la rede. RENFE explotó la rede ferroviaria española dende la so creación en réxime de monopoliu hasta'l día 31 d'avientu de 2004.

A partir de la década de los 1970 y principalmente en la de los 1980, RENFE entamó a rexise por una política de rentabilidá económica, polo que toes aquelles llinies que nun yeren rentables fueron zarrándose al tráficu progresivamente. El 1 de xineru de 1985 zarraronse más de 900 km de víes y llinies. Sirvan como exemplu el Santander-Mediterráneo, Andalucía–Levante (ferrocarril del Almanzora), el Valladolid–Ariza, la Vía de la Plata, etc.

Material móvil y productos comerciales de Renfe[editar | editar la fonte]

Artículu principal: Renfe Operadora

División de RENFE[editar | editar la fonte]

El 1 de xineru de 2005 finalizó el monopoliu llegal de RENFE y la empresa dividiose en dos:

  • Renfe Operadora, que s'encarga del tresporte de mercancíes y pasaxeros, en réxime de competencia con otres empreses. Tamién realiza'l mantenimientu y fabricación de material ferroviariu, participando n'importantes proyeutos nacionales ya internacionales.
  • ADIF (Administrador de Infraestructuras Ferroviarias), que xestiona víes, estaciones, comunicaciones, etc., cobrando un canon a les empreses usuaries de la rede, ente elles a Renfe Operadora.

A causa de les nueves directives económiques de la Unión Europea, l'Estau debía abrir la rede ferroviaria a la competencia, po lo que se dispuso una nueva llexislación pal sector ferroviariu (LSF, Ley 39/2003 del Sector Ferroviario), que en principiu debía entrar en vigor el 1 de xunu de 2004, pero que se retrasó cola asunción del Gobiernu de José Luis Rodríguez Zapatero al 1 de xineru de 2005.

El 31 de avientu de 2004 RENFE fusionose col entós Gestor de Infraestructuras Ferroviarias (GIF) y, minutos más tarde, el día 1 de xineru de 2005, la Entidad Pública Empresarial Renfe-Operadora desprendíase de RENFE, qu'a partir d'esi momentu entamó a llamase Entidad Pública Empresarial Administrador de Infraestructures Ferroviaries (ADIF). Renfe Operadora especializose na prestación de servicios de tresporte, mientres que ADIF se quedó coles funciones d'atribución de capacidaes, mantenimientu y construcción d'infraestructura de la Red Ferroviaria de Interés General (RFIG).

Véase tamién[editar | editar la fonte]

Enllaces externos[editar | editar la fonte]