Quark

De Wikipedia
Quark
tipu de partícula cuántica
fermión elemental (es) Traducir y partícula cargada (es) Traducir
Quark mesón y Diquark (es) Traducir
Cambiar los datos en Wikidata
Cadarma de quarks d'un protón.

Un quark ye una partícula elemental de la que se componen, ente otros, los protones y los neutrones: un protón tien dos quark up y un down, el neutrón tien dos down y un up.

Hai seis clases distintes de quarks, con diferentes mases y diferentes cargues: up, down, strange, charm, bottom y top.

Los quarks nunca apaecen aislaos, porque tan muy atraíos ente ellos pola fuercia nuclear fuerte (cuyes partícules son los gluones), y formen los hadrones (bariones, como'l protón o el neutrón; o mesones, que tienen un quark y el su antiquark). Pa explicar los enllaces entre quarks, los científicos ficieron un convenio de colores y los hadrones que se formen tienen que tener el blancu, a partir de los colores de los quarks que los componen (encarnáu, azul y verde).

Los dos quarks más llixeros y más frecuentes son los up y down. Los quarks up tienen carga positiva igual en módulo a dos tercios de la carga elemental (la del electrón). Los down tiénenla negativa y ye na más un terciu de la elemental.

Por eso, en un protón:

2/3 + 2/3 - 1/3 = 1

Y en un neutrón:

2/3 - 1/3 - 1/3 = 0

La masa de los quarks down ye un poco mayor que la de los up. Entós, la del neutrón tamién ye un poco mayor que la del protón.

El resto de hadrones suelen ser bastante inestables y son difíciles de conseguir, aunque seguramente lleguen en los rayos cósmicos que impacten escontra l'atmósfera.

Referencies[editar | editar la fonte]

Enllaces esternos[editar | editar la fonte]