Polygonia c-album

Polygonia c-album;
Clasificación científica
Reinu:	Animalia
Filu:	Arthropoda
Clas:	Insecta
Orde:	Lepidoptera
Familia:	Nymphalidae
Tribu:	Nymphalini
Xéneru:	Polygonia
Especie:	P. c-album; (Linnaeus, 1758)
Subespecies
	8 subespecies, ver testu.
Sinonimia
	Nymphalis c-album
Consultes
	[editar datos en Wikidata]

La Polygonia c-album ye una caparina perteneciente a la familia Nymphalidae. Foi afayada por Linnaeus, que la describió nel añu 1758. Ye una caparina que nun ye abondosa, pero tampoco escasa n'Asturies.

Sinonimia

Nymphalis c-album

Carauterístiques, Descripción y Distribución

Los cantos irregulares de les sos ales son carauterísticos del xéneru Polygonia. Atópase nel norte d'África y en toa Europa dende Portugal al traviés d'Asia hasta Xapón. Les sos ales dorsales son coloríes pero'l so llau inferior tien un patrón que se camufla cuando les ales zarren una contra otra. ^[1]

La C-blanca tien un valumbu d'ales de 45 mm. La cara inferior de les sos ales ye de un color marrón, con una pequeña marca en forma de 'C' de color blancu. Les sos ales tienen un cantu irregular distintivu, aparentemente una forma críptica una pa que la caparina se asemeye a una fueya seca.

Por cuenta de qu'estes caparines enviernen, ye posible veles a lo llargo de tol añu, pero'l periodu de vuelu activu va dende abril hasta payares, dependiendo de la zona. Los adultos aliméntense con néctar, principalmente de cardos ( Cirsium y Carduus spp.), pero tamién de zarzamora Rubus fruticosus, hedra Hedera helix, centaurea ( Centaurea spp.) y ligustrina Ligustrum vulgare

Les femes ponen hasta 275 güevos verdes, que camuden a mariellu y finalmente a gris antes d'eclosionar. Les canesbes tamién son críptiques, son blanques y negres, asemeyándose a la deposición d'una ave. Nel Reinu Xuníu la canesba aliméntase de lúpulu Humulus lupulus, ortiga verdi Urtica dioica , llamera Ulmus, y (Ribes nigrum); n'otres zones tamién s'alimenta de sauce Salix, Corylus ablana y abeduriu Betula.