Pixín

De Uiquipedia
Saltar a: navegación, buscar
Commons-emblem-notice.svg
Pixín
Monkfish.jpg
Pixín nun mercáu
Clasificación científica
Reinu: Animalia
Filu: Chordata
Clas: Actinopterygii
Orde: Lophiiformes
Familia: Lophiidae
Xéneru: Lophius
Especie: L. pisctorius
Nome binomial
Lophius piscatorius
Linnaeus, 1758
Distribución
Anglerfish Range Map.svg
Lophius piscatorius

El pixín (nome científicu: Lophius piscatorius) ye un pexe que s'atopa en dellos mares atlánticos, como'l mar Cantábricu o'l Mar del Norte, y nel Mediterraneu.

En munchos llugares y llingües del mundu'l so nome amuesa refugu o estrañeza ("diañu de mar", "pexe sapu", "pexe monxe"), por mor de la gran fealdá y anormales traces; sicasí, ye un pexe mui sabrosu y mui emplegáu na cocina.

La llonxitú va de los 40 centímetros a los 2 metros y algama dica 40 kg. de pesu.

Tien el cuerpu deprimíu, cola rexón cefálica tan desenrrollada que xunto'l tueru fai un discu, siguíu pol restu del cuerpu, estrenchu y cónicu. Les branquies alcuéntrense tres les alines pectorales, con munches espines al rodiu. Nun tien escames. Amuesa dos alines dorsales, la primera d'elles colos radios sueltos. Ún d'ellos ye más llargu y el pixín emplégalu p'atrayer preses.

La boca ye pergrande y los güeyos tán allugaos nel dorsu la tiesta. Tien dos dentámenes enforma afilaos.

La color ye davezu aceituna escura; dacuando pue ser más clara o amosar manches. El bandullu ye ablancáu y les alines pectorales tán arrodiaes d'una estrencha banda prieta.