Pablo Chiapella

Pablo Chiapella
Vida
Nacimientu	Albacete, 1 d'avientu de 1976 (47 años)
Nacionalidá	España
Estudios
Estudios	Facultá d'Educación d'Albacete
Llingües falaes	castellanu
Oficiu	actor, actor de cine, comediante en direuto, actor de televisión
IMDb	nm1687275

Pablo Chiapella "Chape" (1 d'avientu de 1976, Albacete) ye un actor y presentador español conocíu pol so papel d'Amador Rivas en La que se avecina.

En consiguiendo una Diplomatura en Maxisteriu d'Educación Física, Pablo Chiapella, natural d'Albacete, pero con raigaños italianes, decidió dedicar la so vida al mundu artísticu, lo que lu llevó a diplomase n'Arte Dramático.

Dende l'añu 2000 Pablo Chiapella ye actor de la canal por cable Paramount Comedy, asina se-y pudo ver en programes como La hora Chanante, como presentador y actor de monólogos nos espacios de la Paramount, como'l protagonista de “El capitán Sevilla y el Centurión Chape”, etc. En 2004 amplió'l so radiu televisivu a la participación en series como “Lobos” (Antena 3, 2004) y “Hospital Central” (emitida por Tele 5 dende 2000), na serie de TVE “Al hilo de la ley", onde interpretaba a un abogáu y en “Fuera de control” tamién de TVE na qu'interpretaba al periodista “Reto”. Tamién participó na serie de Telecinco, El comisario.

Les sos últimes apaiciones foron na última temporada de "Aquí no hay quien viva" d'Antena 3 (2006) y na serie "La que se avecina" en Telecinco, na cual interpreta a Amador.

Na so curtia carrera, Chiapella participó nuna decena de curtios como “El arte de la seducción” (2002) de Sandra Ruiz o “7º Izquierda” (2003) de Carlos Sanz. En 2002 rodaría'l so primer llargumetraxe, “La vida mancha” d'Enrique Urbizo.

Desque se diplomara n'arte dramático, Pablo Chiapella tamién intervieno nuna decena d'obres teatrales realizando nelles papeles como'l Tenorio de “El burlador de Sevilla” dirixida por José Luis Sáez o collaborando nes producciones de Jaroslaw Bielski, “Nuestra cocina” y “One Flew Over the Cuckoo's Nest”.

Televisión

Series

Programes

La hora Chanante (Paramount Comedy)

Llargumetraxes

La vida mancha (D.Enrique Urbizu)

Curtiumetraxes

L'arte de la seducción (D.Sandra Ruiz)
7º Izquierda (D.Carlos Sanz)

Teatru

El burlador de Sevilla (D. José Luis Sáez)
Nuesa cocina (D. Jaroslaw Bielski)
One Flew Over the Cuckoo's Nest (D. Jaroslaw Bielski)
L'últimu templariu de Xerez (D. Antonio Pedro Penco)

Referencies

↑ Afirmao en: ČSFD. Identificador ČSFD de persona: 472835. Apaez como: Pablo Chiapella. Llingua de la obra o nome: checu. Data d'espublización: 2001.

Enllaces esternos

Pablo Chiapella na Internet Movie Database (n'inglés)
Pablo Chiapella en Facebook
Pablo Chiapella n'Instagram
Pablo Chiapella en Twitter

[ff0e249ed00161715073086c1e22985ee6ea0e18-1] Afirmao en: ČSFD. Identificador ČSFD de persona: 472835. Apaez como: Pablo Chiapella. Llingua de la obra o nome: checu. Data d'espublización: 2001.

[1]