Náhuatl

De Uiquipedia
Saltar a: navegación, buscar
Númberu de falantes por estáu mexicanu.

L'azteca o náhuatl (tamién náhuatle; de la pallabra nāhuatlàtōlli ([naː.wa.ƛaʔ.'toːlːi]), «el son bonu») ye una llingua amerindia de la familia uto-azteca asitiada en México con unos dos millones de falantes.

Surdió a lo menos dende'l sieglu VII. Dende la espansión de la cultura tolteca a finales de sieglu X en Mesoamérica, el náhuatl empezó'l so espardimientu percima d'otres llingües mesoamericanas hasta convertise en lingua franca de bona parte de la zona mesoamericana, cuantimás so los territorios conquistaos pol imperiu mexica, tamién llamáu imperiu azteca, dende'l sieglu XIII hasta la so cayida (el 13 d'agostu de 1521) en manos de el españoles, motivu pol cual a la llingua náhuatl tamién se-y conoz col nome de llingua mexicana. Cola conquista, y l'introducción del alfabetu llatín, el náhuatl convirtióse tamién nuna llingua escrita, y munches cróniques, gramátiques, trabayos de poesía, documentos alministrativos y códices fueron escritos mientres el sieglu XVI y XVII [1] Esti tempranu llinguaxe escritu basáu na variedá falada en Tenochtitlan clasificóse como náhuatl clásicu y atópase ente los más estudiaos y los meyor documentados idiomes d'América [2]

Bibliografía[editar | editar la fonte]

  • Garibay, Angel Ma., Llave del Nahuatl, Porrua, México, [1940] 1999
  • Kartunnen, Frances, Apéndice: Mowentike Chalman/Los Peregrinos de Chalma de Jean Charlot, Renvall Institute, Universidad de Helsinki
  • Sullivan, Thelma D, Compendio de la Gramática Nahuatl, Universidad Nacional Autónoma de México, [1976] 1992

Referencies[editar | editar la fonte]

  1. Canger 1980:13
  2. Canger 2002:195

Enllaces esternos[editar | editar la fonte]

Wikipedia
Consulta la edición de Wikipedia en Náhuatl