Montera picona

De Uiquipedia
Saltar a: navegación, buscar
Neñu con montera picona

La montera picona ye un sombreru tradicional asturianu de llana de color prietu o escuru que cubre la tiesta de los homes y del que sobresal un picu qu'antiguamente usábase pa tapar la cara en casu de munchu fríu llegando al otru estremu de la montera onde s'amarraba. Anguañu dalgunes monteres conserven el botón, anque'l so usu ye meramente ornamental.

La montera picona yá nun s'emplega na vida cotidiana. D'otra miente, caltiénse como un símbolu d'asturianía y ye parte del traxe tradicional asturianu o paxellu. Úsase davezu n'actos folclóricos, como les fiestes populares y bailles, siendo tamién parte de la indumentaria común de les bandes de gaites.