Mercedes Alonso García

Mercedes Alonso García
alcaldesa d'Elx
diputada d'España
Vida
Nacimientu	Cortes de Baza, 10 d'avientu de 1964 (59 años)
Nacionalidá	España
Estudios
Estudios	Universidá d'Alacant
Llingües falaes	castellanu
Oficiu	política, abogada
Llugares de trabayu	Madrid
Creencies
Partíu políticu	Partido Popular

Mercedes Alonso García (10 d'avientu de 1964, Cortes de Baza) ye una política valenciana d'orixe granadín, alcaldesa d'Elx y diputada popular nel Congresu de los Diputaos na IX Llexislatura.

Biografía[editar | editar la fonte]

Llicenciada en Drechu, foi miembru de la Xunta de Gobiernu del Colexu d'Abogaos d'Elx y profesora de Drechu de Familia na Escuela de Práctica Xurídica d'Elx. Ye vocera del Grupu Municipal del Partíu Popular del Conceyu de Elx y conceyal dende 1991, al empar que vicepresidenta tercera y vocera axunta de la Diputación Provincial d'Alacant ente 1995-1999. Foi escoyida diputada nes eleiciones a les Cortes Valencianes de 2003 y diputada nes eleiciones xenerales d'España de 2008.

Nes eleiciones llocales d'Elx de 2011 volvió a encabezar la candidatura del PP llogrando 50.000 votos y mayoría absoluta nel consistoriu municipal. Les sos primeres midíes foron camudar dellos nomes de cais como'l xardín de La Pasionaria pol de Xardín de la República Arxentina, l'Avenida del Ferrocarril pol d'Avenida de Vicente Quiles (últimu alcalde franquista) y l'Avenida del País Valencianu pol d'Avenida de la Comunidad Valenciana. Nes Eleiciones municipales d'España de 2015, a pesar de ser el PP el partíu con más votps, foi movida de l'alcaldía por una coalición ente'l PSPV-PSOE, Compromís ya Ilicitanos per Elx, el votu favorable del Partíu d'Elx y cola astención de Ciudadanos, que dio l'alcaldía al socialista Carlos González Serna.

Referencies[editar | editar la fonte]

Enllaces esternos[editar | editar la fonte]