Mamut

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Mammouth.png

Mammuthus, n'asturianu mamut, ye un xéneru de mamíferos proboscídeos elefántidos q'esistieron nel períodu Neoxenu, dende fai 4,8 millones d'años fasta 3.700 años atrás, nes dómines del Pliocenu, Pleistocenu y Holocenu. Numberoses especies fueron descrites, ainda que'l mamut llanudu ye la más conocida de toes. Atopáronse fósiles de mamut en Norteamérica, Eurasia y África.


Nome[editar | editar la fonte]

El nome rusu del mamut, del cual deriva el so nome notres llingües, ye мамонт. мамонт deriva del antiguu rusu маммот y esti a la so vez ye probable que tenga'l so orixe na llingua mansi. Los mansis referíense a los mamuts como "topos de tierra" o "escavadores", ya que pensaben que yeren criatures vivientes que vivíen en túneles baxo tierra y que morríen si les tocaba la lluz del Sol. Según los mansis, esti yera'l motivu pol que nunca s'atopaben mamuts vivos.


Descripción[editar | editar la fonte]

Los mamuts carauterizábanse pola so cabeza comba, probóscide musculosa y llargos colmiellos retuertos. Les especies norteñes atopábense cubixaes de pelu pa soportar los fríos glaciares del so ecosistema. El colmiellu de mamut más grande del que se tien rexistru ye d'un mamut llanudu, cuya llonxitú algamó los 5 metros. La so espalda yera enarcada y les sos oreyes yeren relativamente pequeñes, la so trompa tenía al so estremu dos llóbulos y les sos pates delanteres dotábense de 5 deos demientres les traseres de 4. Nel 2005 atopóse un colmiellu de mamut de 3,3 metros de llonxitú en Illinois. Los mamuts que vivíen nes rexones más fríes teníen unes oreyes que sólo midíen la quinta parte de la de los elefantes asiáticos. Esta adautación al fríu permitía reducir la perda de temperatura gracies a la menor superficie expuesta al ambiente. Los mamuts que vivíen en rexones mas caldies debíen de tener les oreyes más grandes.

Como nos elefantes de güei, la trompa de los mamuts yera móvil y prensil y taba mui bien adautada pa facer movimientos precisos como arrincar plantes del suelu y dirixiles a la boca. Tamién utilizábenles pa moyase con agua, pa bañase o con llamuerga pa protexese de los inseutos. Cola so trompa, los mamuts adultos inxeríen unos 180 kilos d'alimentos tolos díes. Inxeríen cuasi cualquier tipu de vexetal, anque'l so alimentu más prestosu yera la yerba.

Colos estudios fechos nos sos parientes prósimos, les elefantes de güei, los mamuts teníen un periodu de xestación de 22 meses y daben a lluz a una sola cría en cada enxitu.